الام و الاب هم القدوه الاولى و الاهم للطفل .. يعني هم الي يحببونه في الصلاه و يحثونه على أداها .. يعني على كثر ما يشوفون الاهل يصلون بيحبون الصلاه ان شاء الله و بيحرصون على أداءها معاهم .. كل ما صليتي هاتي بنتج و خليها تصلي معاج مهما كان صغر سنها .. بالنظر بتتعلم كيف تصلي و تسوي مثلج
و كلميها عن اهمية الصلاة و شو هي اصلا .. يعني مب بس تعالي نصلي .. اذا هي تفهم قوليلها ان الصلاه مثل موعد لقاء بين العبد و ربه ، يسمعه فيها .. يعني من ها الكلام
بالنسبه للبس الصلاة ، حاولي تفصليلها لبس مثلج .. و علميها تتهم فيه .. انتو تعرفون البنات و حركاتهم .. اذا سمحتيلها تعطر شيلة الصلاة بعطورج ، هذا نوع من الترغيب .. ممكن ها الشي يكون تافه بنظرنا بس بالنسبة لطفله شي مهم
على فكرة بنتي عمرها سنتين .. عشان جي ما عندي نصايح وايد .. ان شاء الله استفدتوا

ماشاء الله عليك ،، أفكار حلوة...

انا بديت معي عيالي جدول الصلاة ، و الحمدلله لنا يومين ألحين و فيه حماس ...

في البداية حكيت لهم عن الصراط المستقيم ، و انا لازم نعبره بسرعة حتى ما نطيح في النار ، و انه على قد حسناتنا تكون سرعتنا ، و ان فيه حسنات قوية هي الي تزيد سرعتنا و الصلاة هي أول حسنة قوية لازم نحافظ عليها ، و كل ما شفت تكاسل قلت لهم: تري بتنقص سرعتكم ... و الحمدلله لحد الان ماشين بس أدعو لهم يستمرون و لا يملون.....

بعد أبغى الله يعافيكم أفكار كيف أخلي ولدي عمره 8سنوات يروح يصلي في المسجد خاصة ان أبوه مهوب في البيت دايما ، و المسجد مقابل البيت بس هو يخاف و يتردد يروح ،، فاذا عندك أفكار أم حصوصي قولي لي......

السيدة ماما
كلامك مرة حلو يعطيك العافية
عيون سعد
اصبري شوي وان شاء الله بنزل جدول للصلاة مشكورة

بسم الله الرحمن الرحيم
الظهر العصر المغرب العشاء الفجر
السبت
الأحد
الاثنين
الثلاثاء
الأربعاء
الخميس
الجمعة
السبت
الأحد
الاثنين
الثلاثاء
الأربعاء
الخميس
الجمعة
السبت
الأحد
الاثنين
الثلاثاء
الأربعاء
الخميس
الجمعة

لو ممكن تساعدوني وتخلونه مثل الجدول

لاني حاولت وماعرفت