احسن كريم عالج مشكلة الجفاف وفي نفس الوقت يغذي بشرتك ويرطبها لمدة طويلة

بسم الله

كثير من الاخوات الي يعانون من جفاف البشرة وخاصة في الشتاء ..ويشوفوا بشرتهم جافة لدرجة انهم يقدرون يكتبون عليها بأظفارهم .. او اذا توضوا مثلا يلاحظون ان المكان الي وصل له المويه يترطب وباقي الجسم باهت ومغبر

وايضا كثير من الاخوات تشوف خلطات فيها زيوت وودها تستخدمها وما تقدر لانها ما تحب الزيوت الخالصة على جسمها .. والبعض ينفر من ريحة الزيت وتخاف انه يعلق في الملابس ويآخذ ريحته

كما ان كثير من الاخوات يشتكين من حكة بالذات في فصل الشتاء بسبب شدة البرودة وحكة في الصيف من كثر الاستحمام واستخدام الصابون

كل هذي الامور يحلها لك هذا الكريم الي من صنع أيديك والي اعتبره بصراحه من افضل الكريمات وجنبت بعدها جرجنز ودوف ونيفيا و و و و و ....واخيرا وصلت لكريم

1/ يغذي البشرة وينعمها
2/ يرطبها لمدة طويلة توصل لثلاثة ايام
3/ مشكلة الجفاف انتهت عندي تماما ..ومعروف ان الجفاف يؤدي لاسمرار البشرة.. وبنتي كانت تعاني من جفاف حاااااااااااااااااااااااااااااااااااد جدا لدرجة ان جلدها كأنه جلد تمساح من جفافه ..حتى كريمات ابوبكر يوسف ما فادتني
وفادني هالكريم ..
4/ ريحته انت تتحكمي فيها على حسب اللوشن الي تختاريه .. يعني مارح تحسي بأي ثقل من ريحته او لزوجته
5/ يساعد على التفتيح او بالأصح الصفا توصلي لصفا طبيعي لبشرتك .. لانه كله طبيعي ..والطبيعي دائما يعطي مفعوله بهدوء ..لكن مفعول النعومة ونهاية الجفاف ..فورا تلاقينها.. ولمعة تلاحظينها بنفسك


نجي الحين بعد ما حاولت اعطي الكريم حقه من الوصف احاول وصف مكونات الكريم السهل والمتواجد في كل بيت
ولا تستهونون فيه تراه رائع جدا والسر يكمن في امرين لازم تنتبهي لهم :

1/ لازم ينحط الكريم بعد الاستحمام يعني على جسم رطب وهذا امر مهم جدا علشان يعطيك المفعول
2/ لابد علشان تشوفي نتائج تخلينه عادة عندك بعد كل استحمام تحطينه على كل جسمك يعني ( استمري )


مكونات الكريم وهو خلاصة اغلب خلطات المنتدى :

كريم جليسوليد الاحمر اكبر حجم
2/ نص فنجان شاي موية ورد
3/ فنجان شاي موية المرة.. نقعي كمية بسيطة من الليل وصفيها اليوم الثاني
3/ فنجان شاي ليمون معصور..والاصفر الكبير احسن
4/ نص فنجان شاي كل من ( زيت الزيتون الاصلي ، زيت جنين القمح ، زيت الجلسرين ، زيت الخروع ، زيت اللوز المر )
5/ اي لوشن تختاريه علشان يخفيلك روائح الزيوت ( انا احط لوشن من زهور الريف ..واحيانا اي لوشن موجود ) اهم شي تكون ريحته حلوة.. واذا ماعندك لوشن وعندك عوده حطي اربع قطرات عوده
6/ مسك مطحون تقريبا نص ملعقة اكل ( وهذا اختياري ) لأن فايدة المسك مادة حافظة ومنظفة للأرحام لان الكريم انت بتحطينه في المناطق الحساسة

انا حاولت اني اكتب المقادير بهالشكل علشان ما تحوسي .. لاني احيانا اشعر اني ازود مويه ورد اذا شعرت ان الكريم ثقيل وابغا اخففه .. يعني انت تتحكمي في المقادير .. لكن الزيوت لا تزوديها علشان ما يحصل اي انفصال بين الكريم والزيت

واذا حصل ان الزيوت انفصلت عن الكريم زيدي جليسوليد علشان الخلطة تتمساك

اما الطريقة : اولا الجليسوليد ضعيه في طاسه او اي صحن كبير لتحريكه مع موية الورد والليمون المعصور المصفى وموية الورد المصفاه ( كل شي صفيه علشان بعدين ما يضايقك وانت تحطينه على جسمك ) وبعدها اسكبي الزيوت
نص فنجان زيت الزيتون + نص فنجان جنين القمح + نص فنجان الجلسرين ....الخ
وفي الاخير حطي اللوشن والكمية الي تحبينها الى ان تشعري ان لا يوجد رائحة للزيوت ..وفعلا يصبح بهالطريقة الكريم لزج وناعم وخفيف على البشرة ولا تحسي فيه بعد الشور
وطبعا المسك قلنا اختياري اذا حبيتي تحطينه كان بها ما حبيتي براحتك

اهم شي احفظي الكريم في الثلاجة ..يعني خذي منه كميه في عليه خارجيه وحطيها في حمامك او غرفتك وباقي الكمية لانها تسير كميه كبيرة حطيها في برطمان في الثلاجة وخذي منه كل ما خلصت عبوتك

انا حاطه منه علبه لبناتي اذا غيرت الحفاض الله يكرمكم .. وعلبه لي كل ما غسلت ايدي دهنت بعدها فيه .. اما اذا بآخذ شور آخذ كميه واحطها بصحن واذا طلعت من الحمام ادهن منه
حاولي انك تتعاملين مع الكريم الي في الثلاجة بالملعقة لا تلمسينه بيدك اما الكميات البسيطة الي في العبوات لا بأس فيها بيدك

اتوقع اني شرحت شرح تفصيلي وممل علشان اتقي كثرة الأسئلة ...
يارب ينفع كل من هي بحاجته ..واكون افدت الجميع .