من وجهة نظر شخصية
أبل >> غالية جدا بشكل مبالغ فيه ولا تستحق هالسعر بس مفعول الهالة
لينوفو من شركة آي بي إم >> مدري إذا موجودة بسوقنا
اتش بي >> ممتاز وينفع للكرف
اسوس >> ممتاز بعد بس بالنسبة لي يعتبر بعد الاتش بي
دل >> حليو بس دائما تصير له مشاكل في الهاردوير
توشيبا >> فيها نوعين شي ممتاز اسمه كوزميو والثاني تجاري ما افضله ابدا
ايسر >> مستوى الأجهزة اللي عندنا "لأن برى تختلف" أقل من كل اللي سبق
باكردبيل>> ما جربتها
سوني>> شكل فقط ولا فيه ميزة عن غيره وسعره غالي عشان شكله بس
هذا اللي يحضرني من الأجهزة
لكن بشكل عام
اللي يحافظ على جهازه أيا كان لو إنه إيسر .. بيعيش معه عمر أطول
طبعا تحافظين عليه من حيث الهاردوير والسوفت وير
وبشكل عام أيضا شوفي شغلتين :
متطلباتك
ميزانيتك
وبناء عليها اختاري الجهاز المناسب
لأن معظم الاجهزة بمجرد انتهاء الضمان راح تخرب
وبالنسبة لك تبين تشتغلين تصميم وفيديوات الأفضل لك تاخذين معالج سريع ورامات عالية وكرت شاشة منفصل
والحين نازلة المعالجات الجديدة من انتل
ترتيبها من الأعلى للأقل
i7
i5
i3
وطبعا هذا تصنيف عام لفئات المعالج .. لكن كل فئة لها موديلات أسرع من بعضها .. لكن التصنيف العام للفئات هو هذا
والمعالجات القديمة هي كور تو كواد >> سعره أغلى بس ما يستفيد منه الا المبرمجين
وكور تو دو >> هذا ينفع للاستخدام العام
وفيه السليرون والسنترينو وغيرها بس اللي فوق أفضل
وكل ما كان رقم موديل المعالج أعلى يعني المعالج أفضل
يعني المعالج كور تو دو في كذا جهاز بس تلقين كل واحد سعره يختلف لانه يختلف موديلهم
فمعالجات فئة 7000 و 8000 و 9000 أفضل من 6000 و 5000 و 4000
لأن فيه شي اسمه الكاش يختلف من معالج لآخر وهذا يخلي الجهاز أسرع
وفيه أجهزة بمعالجات AMD >> مثل كومباك
ما عندي خلفية كبيرة عن هالمعالجات لكنها ليست بقوة الانتل
الشي الثاني الرامات >> هاذي تغير لك النظام
عندك الرامات لازم ما تكون أقل من 2 قيقا >> وما يفرق DDR2 أو DDR3 بس السعر يصير شاطح
واذا تبين نظامك يقعد 32 بت لا تاخذين جهاز برامات أكثر من 3 قيقا
اي جهاز راماته 4 قيقا وفوق راح يكون نظامه 64 بت >> تحتاجين تنتبهين لهالنقطة في البرامج المحملة والتعريفات
لكن
الأجهزة الجديدة كلها تقريبا 4 قيقا وفوق لأن المعالجات الجديدة تحتاج رامات أعلى وبالتالي راح يكون النظام أداءه أعلى اللي هو 64 بت
وبالأول والأخير لا تنسين تستخيرين
موفقة اختي
الصفحة الأخيرة
يهمني إن البطارية تشتغل أكثر من ساعتين متواصلة ..
لأن كثير من الأجهزة ماتتحمل
اما بالنسبة لـ أبل يمكن مالها وكيل في كل مكان ..
متررررررررررددددددددددددددة