وياحبيبة الكويت ان شاء الله النية متوجهة لدار الشفا لان مرت اخوي ولدت فيها وتمدحهم وايد ومشكوة على الرد

وانت يا شموخ يعطيج العافية على ردج بس للاسف الهادي ما يستقبلون وحدة عندها حالات ولادة مبكرة وانا مرتين ولادة مبكرة وعلى العموم مشكورة وما قصرتي

السلام علسكم ورحمة الله وبركاته وعيدكم مبارك اختي انا في حملي الأول كنت علطول اراجع بالسلام لحد ما أجهظت فحولوني لمستشفى حكومي كان راح يجيلي انهيار عصبي فيه من الوصاخة وقلة الاهتمام لكن بالسلام نم اول جرس القى الممرضات على راسي وياكثر مايمرون علي حتى بالحمام اكرمكم الله يطمنون علي ولولا قصة الاجهاض جان ولدت عندهم بس الحمدلله قدر الله وماشاء فعل مشكلة السلام الغرف مو ذاك الزود الا لو خذيتي في اي بي يعني كبار الشخصيات لكن همن مو مستوى التوقعات غير جذيه خدمة ممتازة ونظافة واللي اعرفه انهم على وشك الانتقال لمبنى جديد قارب على الانتهاء جنبهم علطول وشكله بيطلع وايد حلو يعني مشكلة الغرف بتنحل . اختي كل ولاداتها بالسلام وانا نفسي انولدت بالسلام بالنسبة للمواساة بصراحة حسب ماسمعت شكل حلو وغرف حلوة خصوصا الاجنحة الملكية على ما أظن فهي روعة كأنها فندق بس رعاية طبية موشي هذا حسب كلام زوجة اخوي ويقولولن ان دشة الطبيب عليك ب 20 دينار والله أعلم .دار الشفا اغلب اهلنا ولدو فيه خصوصا بعد التجديد مو المبنى القديم اللي يخرع اصلا ما كو احد يدري عنه ولا يحبه لكن الجيديد يقولون خدمة زينة وغرف ممتازة الجناح الملكي ولامبراطوري وايد ممتاز وتقدرين تسوين فيه استقبال وتفتكين من العبالة في البيت بعد انا شفت الملكي ممتاز جدا والامبراطوري اكثر من ممتاز بس مايمدحون العناية يالأطفال انا ولد اخوي طلع من عندهم جسمه كله حساسية ما ادري من شنو. الهادي يقولون غرف جميلة بس مافي نظافة وغير جذيه عفسة تحت كأنك داخلة سوق والله أعلم عوما الأفضل انك تروحين بنفسك وتشوفين المكان والأسعار وسألي أهلك بعد والله يوفقك ان شاء الله وتقومين بالسلامة عزيزتي.