احسه بيلحق اخوه

السلام
والله كنا جالسين بهدوء ومستانسين واذ يجي اتصال على زوجي من اخوه
يقوله تعال يافلان بسرعة لبيت اهلك قال خير خير زوجي انتفض خاف
قالهم لاتقولون بس انه جدتي ماتت لاحول الله لاتبلغ امك اذا كذا
لانه ليه لانه جدته ام امه تعبانة شوي وبالمستشفى اخوه قاله لا مو سالفة كذا
قالوله اخوك تزوج على حرمته زوجي هجد شوي قالهم كذا الموضوع خلاص خلي الوضع يهدأ شوي وانا بكرى اجي احل المشكلة كلها دق على ابوه معصب يقول شفت اخوك ايش سوا عنده ٤ ويروح يتزوج على امهم ويقفل بوجهي المغضوب والله اغضب عليه
زوجي يقوله تنحل يبا والله تنحل غير اقص راسه لي يزعلك خلاص ايش بغيته يطلقها بيطلقها بالنعال ولو ماطلقها بخلي مجلس العائلة يطلع بيان يتبرأ منه وبقولهم هذا عاق وقعد يلخبط زوجي ويتحمس بعدين سكت
قعد طول الليل يحسبها اخماس اسداس يبغاها تدخل بعقله ماراضية تدخل حاول يدخلها بعقله ماقدر
قالي امي اختارت حريم اخواني كلهم ماعدا انتي واختك وهذي الحرمة بالذات بنت اختها المتوفية ربتها واحسنت لها ويوم كبرت وزوجتها حق اخوي والضلالي تزوج عليها ربي بلاني ب اخوان كل ما اقول هذا كويس يطلع ضلالي اكثر من الثاني ايش اسوي قال والله ما اتركه فجر جواله ومارد بعدين دز رسالة قاله اجيبك والله اجيبك واعرف مكانك مابجي بدق الباب غير ادخل عليكم بالبيت بالجمس رد يكون احسن وذاك رد
بعدين راح زوجي ورجع يقول والله الحجية طردتنا من البيت
ورجعه ثاني بيتنا واتصل على اهله يقول حليت المشكلة الرجال وعد بالعدل كل وحدة ولها ليلتها و ومايقصر ابدا واي فتنة توعد يقطع راس الفتنة على طول
قاله ابوه لا فتنة ولا عدل يطلق متزوج وحدة غريبة مانعرفها من متى احنا ندخل غرباء على عايلتنا يبغى يشتت عياله وبيته عشان شهواته وصارت هوشة وجا الاب مع بقية عياله والله شفته اعوذ بالله يركض كانه ولد عشرين وبهذله وطلع من البيت وزوجي مسوي نفسه الحكيم بعدين صار يلخبط بالكلام حس روحه جاب العيد قام يصرخ قالهم هي برا بيتي كلكم وطردهم
والله اخوه قالهم تزوجتها خلاص وامه تقوله تخسي تحطني تحت الامر الواقع تطلقها بعدين زوجي كثف جهوده بالحل وقالهم خلاص الحرمة هذي ماتدخل بيتكم ولا تقرب وجاب الرجال وحرمته وتوعد يكون الضامن بينهم وانتهت المشكلة تقريبا واخوه راضى حرمته وطيب خاطرها
والله اشوفه له كم يوم ساكت قاعد يتكلم مع نفسه اعرف نظراته يوم يكون عنده مصيبة يناظرني مثل الثعلب احسه مجهزلي مقلب مثل مقلب اخوه حق الحرمة المسكينة قلبي ماعاد ريحني ابدا بسبته له ايام يشرد والله قلبي مو مطمني ناقصة انا تفكير ومصايب ورافض يتكلم خايفة والله ترا الموضوع جد مايخوف