احس أني مقهوره من أمي شوفوا وش تسوي فيني ؟

السلام عليكم أهلين بنات ولله ان لي كم يوم ما أنام بسبب أمي ما اروح لها الا مره في الاسبوع واحيانا اجلس شهر ما رحت هذا الاسبوع اتصلت علي قالت أخوك ليجي هو وزوجته متصلين لبست بناتي ورحت عاد هي توها مرممه البيت وجالسه توريني وش سوت جلست اضحك قلت ولله صار بيتكم يهبل أبجي انفس عندك ردت علي لا ولله اجلسي في بيتك طنشت طول ما أنا جالسه تهاوش على بناتي وتطردهم في الحوش قلت مايخالف البزران كثيره حركتهم عندي بنتي صغيره ماتفهم عمرها ثلاث سنين حط اخوي بيالته على الطاوله قامت تتحرك وطقت الطاوله جت البياله بغت تنكب على اخوي وبنتي ضربها اخوي بيده وانكبت على الكنب نار توها مصبوبه قمت أخذت مناديل وجلست انشف الشاهي رحت اسأل أمي وين الفوط ابنظفه وتجلس تسبني وتقول ياليت البياله منكبه على بنتك محترقه ولا انكبت على الكنب حسيت أني مصدومه وارسلت لزوجي وجا اخذنا طبعا ما علمته بس من يومها وانا فيني غصه من كلامها مع ان لي شهر مارحت لها؟