احس ابي احد ينصحني😡☹️

الأسرة والمجتمع

بسم الله الرحمن الرحيم


بنات زوجي عامل لي حظر بالمكالمات.. طبعا له سنين بعذر اني ازعجة بالاتصال.. يفكه وقت ولاده. او شي هو يشوفه ضروري.. وانا فعلا وقت الضروره ازعجه. لانه مايرد ولايطمني ولايعلمني وش اسوي... مطنش ويرد ع كل هالعالم الا انا واذا اتصلت من رقم غريب ع طول يرد...


زوجي رجل يشتغل ليل نهارمن الصبح للعصر بالمكتب. وناس وزحمه مرات يجي حتا الاكل ما اكل.. وبعد العصر يروح لشغله الخاص. مزارع وعقارات ويجي تالي الليل..




وانا اخر اولوياته.. مثلا ابي اروح للسوق اقعد شهر اطلبه وبعد الشهر اخرب امها بالاتصالات والازعاج وعقبه يرضخ للامر الواقع ويخلي احد يوديني السوق ياولده يالسواق... كذالك. لما اطفش طول اليوم لحالي ماعندي احد. واطلبه اروح لاهلي برساله بالتلجرام او اي برنامج مايرد واجلس ايام اطلبه مايرد لين ازعجة ازعااااااج. رسايل ومكالمات وصياح و و بعدها يرسل لي احد يوديني اهلي ساعتين لا اكثر. من بعد شهور وانا اطلبه..


المهم. هو من الثلاثاء فجأه قال عندي مؤتمر مدري اجتماع بتبوك... قال جهزي شنطتي بروح مع رجال بالعمل.. واجي بكرا وفعلا جهزت له ملابس كثيره. وراح. ولاجا للان.. اليوم جمعه مافي دومات ومافي اجتماعات وتبوك تبعد عنا ٣ ساعات..
ارسل له مايرد... اقول حبيبي عمري اشنقت لك مايرد.. ارسل غزل مايرد. اطلبه اغراض حليب وكذا مايرد يرسل للسواق يشتريلي الاغراض




.. انفجرت اليوم ومن كل كلمه قلتها له..
ليه ماتعلمني وينك.
شككتني فيك..
هو معك مره ماتبيها تشوف اتصالاتي...
ترا اصحابك كلهم يردون ع حريمهم
وانت ترد ع كل الناس الازوجتك..


اخ يابنات. ودي اموت من القهر عليه.
. هو زوجي واثقه فيه شخص حرررريص جدا ومحافظ ولايحب الحرام لنفسه. وخايف ع نفسه وع سمعته من الحريم اكثر من خوفي عليه...


لما تذكر قبل يومين من سفره هذا. خلاني اعمل له صنفره لجسمه. وحلق شعر جسمه... انا ماشكيت بشي لان من زواجي وانا احلق له واعمل له صنفره.. هو يحب النظافه والعنايه.. وقال جهزي ملابس بناطيل وبجايم خفيفه ابي البسهن وانا اشتغل. وفعلا غسيل وكوي انا والشغاله وجهزناهن. وعقبه فجأه قال بسافر عندي مؤتمر بتبوك... لما ماجا اليوم
ولارد ع اتصالاتي
اكلني الشك
وانا بعمري ماشكيت فيه..
وقمت ارسل له من هالكلام.
. وينك وليش تكذب علي.
وانت صنفرت جسمك وحلقته قبل السفر تحسبني مغفله و و و🙆‍♀️☹️قلت كل اللي بجعبتي..


ماصار عندي شي مستخبي وهو سااااااااكت. مايرد.. مره اقول بعمل لك حظر ومره ارسل له🤦‍♀️😂


انصحوني


دلوني


انا مهبوله او لا.... انا وش. وهو فيه مره تسوي سواااتي


احس صرت انقد روحي ليش احرق نفسي عليه..


.. مع اني عارفه ليش احرق نفسي...
انقهرت ليش مايسمح لي اروح لاهلي بسفره وغيابه.


. ليش يحرمني الوناسه وهو يسافر و انا اظل بالبيت لحالي. ويقول لاتعزمين احد واخواتك لايجن عندك الا بعلمي وهو مايرد علي. واصلا يسافر بدون مايعلمني عشان ما اعزم امي واخواتي...


انا ببيت بعيد عن المدينه مزارع. ويخوف المكان..


وعندي عمال يشتغلون بمزرعتنا. يعني مافكر فيني وقال انه بيسافر وقال روحي لاهلك لين اجي.


او شال الحظر عشان اتصل عليه وقت الضروره.. او يشحن. لان هو مايشحن لي. اهلي يشحنون لي اشتراك شهري. هو ع كثر فلوسه وع كثر تبذيره مايحب يشحن لي عشان ماقعد ع النت بغيابه واتونس..


طريقتي معاه بالازعاج هي صح او لا...




انا اشوفها غلط. بس غصبا عني. مايرد. مايرد لين انفجر.


قهرررني صرت ادعي عليه اجعله مايتونس بسفرته زي ماتركني احترق لحالي وافكر فيه
81
15K

يلزم عليك تسجيل الدخول أولًا لكتابة تعليق.

تسجيل دخول

حمآمــة ...🕊
حمآمــة ...🕊
الله يعينك 😕
الاميره2
الاميره2
بعذرك به
يقهر
التنطيش والاهمال يقتل
لازم تصارحينه بالشي هذا
- ELHAM -
- ELHAM -
الي اقدر انصحك فيه انك تحطين اساسات جديدة لحياتك

مع هالرجال ، اصول تعامل جديدة ناحية نفسك وناحيته
مستغلك مرة وواضح ان لك سنين ساكتة ، فالتغيير يبي له وقت طويل
و النتايج ماتجي بيوم وليلة لانك لك سنين معودته على كذا
رند 🎈
رند 🎈
محد يلومك لو بدالك اسوي مثلك واخس بعد
الطنيش صعب .
9090بارقه
9090بارقه
الي اقدر انصحك فيه انك تحطين اساسات جديدة لحياتك مع هالرجال ، اصول تعامل جديدة ناحية نفسك وناحيته مستغلك مرة وواضح ان لك سنين ساكتة ، فالتغيير يبي له وقت طويل و النتايج ماتجي بيوم وليلة لانك لك سنين معودته على كذا
الي اقدر انصحك فيه انك تحطين اساسات جديدة لحياتك مع هالرجال ، اصول تعامل جديدة ناحية نفسك...
مثل ايش... منكم نستفيد


انا نفسي احقره. وماتصل عليه. بس عجزت الاقي نفسي اتصل عليه