احس اختي تحتاج علاج بالموضوع ذا

بنات تعبنا نفسيا من اختي
صراحه أختي أنا أشوفها مريضه نفسياً
لأسباب كثيره
هي صغيره عمرها ٢٦
لكن من لما كانت ١٠ سنين
وهي انطوائيه تكره الاقارب والناس
ماتبي الناس بس اقل شي كانت ترفض
تطلع لكن ماتدخل ولا تتهم الناس
بعد مادخلت الكليه صارت تتخيل ياناس
كلن عندها بيضرنا
كلن عندها ينوي لنا شر
كلن عندها يضحك علينا
كلن عندها يغار منا ويتمنى أنا الشر
تدخل بالنيات كثير
تقول هي قاصده وتتخيل وتتوهم
قطعنا نص علاقاتنا مع الاقارب بسببها
صار فيها زي الجني ماتبي الاقارب ولا الناس
بتقولون وين اهلك عنها
امي مطاوعتها وتقول كيفها هي صادقه
هي ماتبي الناس !!!!!
يعني كانّها تشجعها أنا صرت اسحب واطلع
لكن صارت تقول سيارتنا لايروحون فيها الناس
يستغلوننا
فلانه تبينا عشان مصلحتها
آخر شي بتخرب علاقات اختي
بالكليه
اختي عندها صديقه ماتقصر معها
تدفع لها وتجيب لها يعني صديقه اختي الصغيره
مره مره كريمه معها
جت اختي هذي اللي ماتبي الناس
تدخل بنية البنت تقول ماتعطيها لله
تبيها عشان تؤنسها تدفع لها قهوه عشان تطلع معها
وتونسها
مو حب فيها
ودايم تجلس تقول الناس يبونك مب حب لكم
عشان تونسونهم ترا
دايم دايم كذا
مثلا
ماتنفهم أنسانه مريضه بشكل لايطاق
ماقدر أتفاهم معها لان تقلب هوشه
مثلا إذا الناس اللي نطلع معهم او اعرفهم
ماسكين وكذا تجي تقول وش فادوك هذا ماعطوك شي ولا عمرهم دفعو لك ولا قهوه
وإذا الناس كريمين معنا ويدفعون تقول مب لله عشان تونسونهم عشان مصلحتهم يدفعون لكم
اقسم بالله العلي العظيم عمرها ٢٦
ماحد صادقها بحياتها إلا ثنين وحده تركتها
مدري ليشوالثانيه معها للان وتشوفها ملاك
مهما تسوي ماتشوف الكلام اللي تقوله لنا
لكن تجلس شهر شهرين ماتشوف صديقتها هذي
يعني لأنها موظفه بمكان غير المكان اللي احنا فيه
يعني متخيلين وحده وصلت العمر هذا
كاتعرف أقارب
ولا صديقات
ولا تبي الناس ولا تبي احد وكلن بنظرها سي
وكل الناس المصيبه ياليت على نفسها
جننتنا حنا تبينا نقسها وإذا سحبنا عليها
تجلس تستفز يعني لاعبين عليكم
حاطبنكم مهرجين لهم تونسونهم
يبونكم لمصلحتهم وكذا كل يوم
أنا احمل كامل المسؤليه امي اللي ابد
مافكرت تاخذ خطوه بوضعها وبالعكس تايدها
الله واعلم تبيها تسكت
وتفتك منها يعني مو معقول تكره كل الناس
وكل الناس غيورين وكلن بنظرها سي
امي نفسها مالها علاقات ولا تبي احد بس اشوا منها
يعني تجامل شوي كل شهرين
مع الاقارب لكن أنا وأختي الأصغر غير عنهم ١٨٠ درجه
نحب الناس ونحب الاقارب ونحب الجمعات
لكن متخيلين اني كل ماطلعت او ابي صديقاتي
يحسسوني بالذات اختي كاني عدوتهم من الغيره !!!!!!