سبحان الله

ليس الزواج هو الغاية ، وليس هو قمة السعادة ، وكل المتزوجات أكيد من بداية الزواج والمشكلات تحلق فوق رؤوسهن ، والتي تتأخر عن الزواج ترى نفسها بعيدة عن السعادة وان السعادة لدى المتزوجة كلا !!

انها الدنيا لا احد فيها مرتاح ، والغاية من خلقنا هو العبادة ، لا تتعبي نفسكي بالتفكير ، لم لا تستغلي وقت فراغكي بالعبادة ليس بالصلاة فقط انما بأمور الخير التي سوف تشغلكي عن التفكير ، اجعلي الافاق امامكي رحبه ، واستمتعي بحياتك ، واجعليها جميله ، امام ناظريكي ، قلقكي حول المستقبل واحساسكي بأن العمر الحقيقي للزواج انقضى انما هي اوهام بل هي نغزة شيطان فالامل والرجاء من الله سبحانه ، قد تسمعين عن بنت تزوجت وعمرها 18 ولكنها الان غير سعيدة ، وقد تتزوج واحدة في عمر 28 او 38 ولكنها تعيش اياما سعيدة وهانئة فالعبرة ليس بالعمر وانما كيف نعيش ايامنا ، والعمر ايام وليالي وتنقضي فلا تسمحي لنفسكي بأن تخربي يوم واحدا بالتفكير الهدام والمحبط ، كوني راضية والرضا من الله تعالى.

شكرا

احسني الظن بالله
ليه يعني بعيد على الله ان الرزق يجي لبنت عمرها 26 او اكبر
لاتياسي هذا الشيطان يوسس لك
هذا انا عمري 31 وماتزوجت والحمدلله على كل حال راضيه وصابره وادعي ربي انه يرزقني ويرزق اخواتي الي مثلي وكل الي يبون الزواج

احسني الظن بالله
ليه يعني بعيد على الله ان الرزق يجي لبنت عمرها 26 او اكبر
لاتياسي هذا الشيطان يوسس لك
هذا انا عمري 31 وماتزوجت والحمدلله على كل حال راضيه وصابره وادعي ربي انه يرزقني ويرزق اخواتي الي مثلي وكل الي يبون الزواج

قلبتي المواجع:(

واجابة على سؤالك..لا غير مستحيل لأن هذا بيد الله..وما يعجزه شئ سبحانه..

لكن يمكن كان سؤالك.. ما احس اني بتزوج قريب>>طبعا شعور مشترك.. ونفس الحالة..فلذلك انا أقول شكل الزواج يجي فجأه..بلا احساس بلا خرابيط:)

هاه شنو استقريتوا عليه


انا احس العرس حلاوته بالفستان والزفه والهولليله اللي اول شهرين

عقب كذا مو شي

يختي دلعي نفسك وحبيها

يدلعونك الناس و يشوفونك واو


من تجربه

انا اول ما تزوجت اختي الاصغر مني

نظرات اهلي و عماتي خلتني احس اني مسكينه

و كنت مره منطفيه و منطويه

وكان عمري 22 بس

كملت 25 و حسيت ان الحياه اكثر من كذا

شفت اختي و الحياه الزوجيه عن قرب ((اخني الكل حاسدها على تدليع زوجها لها)) ورغم كذا ما حسيت ان هذا الشي هو اللي اوكيه و ابيه

ولو على اللي ابيه كان شفتيني اتزوج شهرين واتطلق

الحين يوم صرت اهتم بنفسي وحياتي

اقسم لك بالله ما اروح مكان الا والعالم ينبهرون من اسلوب حياتي و اني اكمل دراستي وشكلي و شخصيتي و و و و

مو لأني مولوده كذا لا

لكن لاني حبيت نفسي و حبيت حياتي

و دلعت روحي عالاخر

الحين

اقسم لك بالله من تعديت ال 25 و خطابي اكثر من يوم كنت صغيره

من عمر 15 لين 25 جوني يمكن 12 او 14

بس من 25 لين الحين 28 ولا 20 واحد جوني .... تتوقعين شنو تغير فيني؟؟؟؟