احس امي قاعده تظلمني مقهوره كثير

مرحبا بنات
كيفكم
انا يا اخواتي مقهوره كثير من امي
كانت علاقتي معاها جدا كويسه
و مثل الصديقات و تثق فيني و تسولف لي عن حياتها و امورها
حتى الشي اللي يضايقها تقوله لي انا الوحيده من بد اخواتي
مع الايام تغيرت كثير علي ، صارت ما تتكلم معاي الا بالاسبوع مره و كلمه و رد غطاها
حتى انها نقلت منطقه ثانيه و خبت علي ما قالت لي و لما رحت عاتبتها قالت لي ما ادري حسبتك تدرين من زوجك !
و غير
اني اذا رحت لبيت خوالي نشجع بعض او حتى نروح مع بعض
امس كانت جمعة خوالي و انا كنت بروح كلمتها قالت لا ماراح اروح تعبانه من النقل و الشيل و الحط
لما صار نفس يوم جمعة خوالي اكتشف انها رايحه شاليه مع خواتي لاهي اللي قالت و لا حتى دريت من خواتي شفت سناباتهم !! طيب اذا انتو ما تبوني اكون معاكم اضعف الايمان لا تصورون حافظو على مشاعري المشكله كثير تكرر هالموقف
ماهي اول مره مدري ليش خايفه احسدها مثلا ،، المشكله انا ان قالت لي على طلعاتها و الشاليه ما راح اروح لهم و لا راح امنعها مثلا و حتى والله اني مو ناقصني طلعات اطلع قد ما اقدر و اجتمع مع صديقاتي بس مدري ليش تستغفلني بهالطريقه بديت اخذ موقف و اتغيير اتجاها !
المشكله انا حياتي لها مكشوفه لا اخبئ طلعات و لا اطلع بالسر
صح تذكرت موقف مره
قلت لها امشي نطلع قالت لي انا تعبانه رجلي تعورني و بنفس اليوم شفت حالتي مصورتها هي و خالتي معزومين على نفس العرس
من امس و الكحة عندي مستمره مو قاعده تروح كل شي جربت لها شكله الموضوع نفسي
ابي احسسها اني زعلانه بدون ما ازعلها او اعاتبها
وش رايكم !!
ابي تعليقاتكم