احس انه مشاعري اتجاهه ماتت

انا وحده عانت من حياتها وايد وخاصه من اهل زوجي وخاصه امه
والى قدرت تقلب كل اهل زوج علي لكن زوجي كان نوعا ما معايه
ابوي اتوفي الله يرحمه وهو حزين على حالي وكان يوصي خواتي علي
تركلي مبلغ من المال من بين كل اخواني لانه يعرف انه ضروف وايد صعبه
زوجي وضعه وايد متردي من الناحيه الماديه وهو انسان مش ملتزم ابدا بالصلاه
الله رزقنا ولد مثل القمر..وقبل ولادتي باسبوع ام زوجي طلبت من زوجي انه يطلقني
وكانت وايد اتلح عليه وهو يطنشها..واول ما ولدت زوجي وايد اتغير
وايد اتغير وذبحني وذبح قلبي بتصرفاته الحقيره معايه
تخيلو اول ما طلعت من المستشفى خذاني لاهله وانا ماكملت يوم على ولادتي
وقال خلينا نتسامح من اهلي..وخاصه امي وافقته ورحت معاه
لكن بعدها صار كل يومن يريد ياخذني عندها,, يا جماعه انا كنت تعبانه
والآم الولاده ما برت فيني..وكل ما اقوله انا تعبانه يزعل ويضايق ويصرخ علي
ويقولي انتى عمرك ما حبيتي اهلي..كان طلعني غلطانه وكنت اروح معاه
كنت ما اتحمل الكلام وايد كنت اضايق من اقل كلمه واقعد ابكي
واقول وينك يا ابوي ليش رحت عني واستغفر ربي ..بنات انا لما كملت اربعين يوم
صرت اكره زوجي واحس انه كل شي حلو كنت احمله له مات
ماصرت اتحمله ..احسه ذبحني..لما اقوله انتى ما تحس فيه انتى ذبحتي والى سويته فيني
ما بنساه لك ابد..يسكت ولا يغير كلامي فيه شي
تخيلو انه اهله ما زاروني ولاشافو ولد اخوهم
رغم انه ما في سبب واحلفلكم بالله انه امه كارهتني من غير سبب وكانت تتصل في زوجي
وتقول له كلام على لساني وتكذب ...انا الحين تعبانه عايشه معاه ولا واحد فينا يحس بالثاني
ومن يوم ما ولدت يعني من 3 اشهر هو ينام بالصاله ويسهر على الدش وانا بالغرفه
مع البيبي ولا يسال فيني ولا حتى بولده وانا كرامتي والله ما تسمح لي انى اناديه او اتنازل له
كل شي يسويه يحرقني اكثر وارجع اقول كله لجل ابني القمر يهون
اسفه على الاطاله بس علموني كيف ارجع مثل ما كنت
الى سواه فيني ما اقدر انساه؟؟؟اتمنى توقفون معاي وتتحملوني
:(