احس اني ام قاسية جداً …

السلام عليكم ورحمة الله

مثل مو مبين بالعنوان ، انا ام عمري 30 سنه عندي 3 اطفال اكبرهم عمرها 7 واصغرهم شهرين ..
عندي بنتين وولد ربي يخليهم لي ، بس انا تعبانه منهم ومن نفسي مو عارفة وش اسوي هل انا امر بإكتئاب النفاس ؟ مادري
تعاملي مع بناتي جداً قاسي رغم عني
يعني ماديا مدلعتهم ببذخ لحد الجنون وطلباتهم كلها مجابه ، عندي عامله ، اهلي يحبونهم وابوهم عمره مارفع حتى صوته عليهم ، انا احبهم واخاف عليهم بس دايم اهاوشهم وامد يدي اكثر الاحيان واسب واغلط فيهم يومياً وربي تعبت نفسيتي واذا جيت انام اجلس ابكي واحاسب نفسي لدرجة الضرب
للامانة هم اشقياء ، وبس يتهاوشون الثنتين كانهم اولاد واذكياء جدا يعني فيهم لقافه نوعا ما وخصوصا الكبيرة وجدا ثرثارة لحد الصداع بسم الله عليها وماتعرف شي اسمه هدوء وذكية وفطينه وتبي كل انتباهي لها وغيووووووورة وفيها حب لقافه مو طبيعي يعني نفس اللي بعمرها بس انا عصبيه نار ما اتحمل واحس شخصياتهم صايره مو شي والثانيه احسها متاثره اني جبت بيبي جديد عمرها 4 وعنادية جدا جدا وقوية شخصيه وفيها اصرار واستفزاز عجيب ، و احس يبون حب وحنان وكياته يكسرون خاطري يجون يطلبوني احياناً اقولهم حبيبتي واضمهم ويبون حنية .. ماني قادرة اعطيهم هالشي احاول بس ماهو من طباعي يعني يبوني ابوسهم طول الوقت واضمهم واكلمهم بشويش بس انا اتعب معاهم والله واتعب من قل النوم واتعب ان ابوهم شبه غاسل يده بسبب دوامه الطويل ماني عارفة وش اكتب بس احسني ملخبطه كيف اطول بالي معاهم واصير قريبه لهم وحنونه من قلبي عليهم ؟ طبعا عكس اخوهم تماما احبه واتقبل تعبه لي واحسه طفل هم لا اعاملهم كانهم كبار :( الكبيرة الحين بالمدرسة وشخصيتها ضعيفه ياعمري مره واحس كله بسببي