احس اني بختنق

حبيبتي الله يعينج ويهدي ابوج ياااارب
غمضتيني صدق انزين انتى اصبري على ظروفج وحاولي تكلمينه في لحظه يكون هو فيها هادي انج بس تبين تمتحنين لا اكثر ,لان يمكن هو عنده خوف من ان باجر اطالبين بوظيفه وغيره
والحمدلله ان انتى ترومين ادشين النت ربيعتي صاكين صكه عليها لا نت ولا تليفون ولا طلعات
اذا ابوج ما رضى عن سالفه الدراسه سيري احضري محاضرات دينيه ودورات تحفيظ القرآن
شوفي تلفزيون يالله من مسلسل لمسلسل ما بتلحقين,ربي فالبيت عندج عصافير كناري فالحجره وكل يوم طلعيهم شوي لو عند الباب او الشباك يعنى اذا ابوج عقليته قديمه انتى لازم ما تيأسين وبما ان صعب انه يتغير حاولي تتعايشين ويا هالشي والله يرزقج بولد الحلال اللي يسعدج ويحقق لج كل ما تتمنين ولا يخلي شي فخاطرج ابدا ابدا . طمنيني عنج

طيب كيف مايبغاكم تطلعون وتدرسون وبنفس الوقت سامح لكم بالنت؟؟
كأن تصرفه غريب؟؟

حبيبتى عليج بالاستغفار والاستغفار والاستغفار
وادعى وربج مايرد احد

حبيبتي
اولا احمدي الله على كل شيء ثانيا لفت انتباهي كلمة فراغ فكري مميت وهذا انا مريت بيه صدقيني وتعرفي شو سويت
دخلت النت وصرت ادور مواضيع عن الثقة بالنفس والارادة والتحكم بالذات والشجاعة وووووووووووووكل شيء يخص النفس البشرية
ولقيت مواصيع جدا مهمه والله ما تخليكي تملين منها الا قليللا جدا
ادخلي على
منتدي البرمجة اللغوية العصبية
المنتدى العربي الموحد
مواقع الدكتور صلاح بن صالح الراشد
مواقع الدكتور طارق السويدان
مواقع الدكتور ابراهيم الفقي
موقع طريق الاسلام
هاي فعلا راح تخليكي انسانه اخرى بمعنى الكلمه
وانتي توكلي على الله وابدايء
وطمنينا عليكي
لا تروحي لابوكي ولا لاخوكي ولا لاي احد
روحي للواحد الاحد الفرد الصمد وادعيه واطلبي منه ما تشائين
هو بيده كل الامور
واكيد بيستجيب لكي
فكري كيف تبنين لنفسك شخصية قويه علشان ان شاء الله لما تتزوجي تكوني مثقفة ومربيه وزوجة وكل شيء
استغلي وقت فراغك الان بكره تقولي ياريتني استفاديت
خذيها عن تجربة
والله يوفقك

هلا الغالية
مشكورة على ردج

انا احب ابويا وابا اطيعه
بس تصرفاته تخلي الواحد غصب يزعل منه

انا عندي اخوان من ابويا من ام ثانية وتخيلي كلهم يكرهون ابويا ، انا مااكرهه انا احبه ، ولاني احبه ازعل منه
بس انا تعبت من الملل ، تعبت ، يعني لا اطلع ، حتى اذا طلعنا السوق احيانا، نظهر ويا اهلي كلهم،، يعني مافي مجال اني اشم نفس ، يعني طول الوقت مخنوقة، ابا احس بحرية ،، هالحرية مب شرط اني بسوي شي غلط،، بس على الاقل احس بوجودي وفائدتي في هالدنيا،، احس اني اسولف مع بنات

حتى مظهري صرت اهمله،، لمن البس ولمن اكشخ!!؟
دام محد يشوف هالكشخة !!