ماشاء الله عليك اذا بتسوين كل هالاطباق والله انك مره سنعه والرز فعلا ماله داعي ولو اقول لك شي يمكن تضحكين عليه بس والله اني اسويه قبل العزيمه وهواني ارتب السفره في الليل واشوف كيف بيكون وضع الصحون وايش بحط فيها لان زوجي مايحب اغرف في صحون صغار يحب احطها بالصحون الكبار وبالصواني يعني زي البوفيه واشوف قد ايش احتاج من صحون عشان اضمن السفره تكون مرتبه وماتكون الصحون كثيره ومالها مكان على السفره وبعدين ابدا اعمل الحشوات من الليل للفطاير والمكرونه وغيره عشان يكون الملح مضبوط واعمل الايدامات والمصقع والحلا كله من الليل حتى الشربه ووالله انها ماتتغير وبعدين ابدئي شغلك الباقي بالنهار المهم قبل المغرب بساعه كوني منتهيه من كل شي عشان ماتربكين نفسك وحطي السفره الاولى القهوه والتمر وحلا القهوه الي سويتيه والماء والعصيرات واذا راحويصلون جهزي السفره الثانيه

خلك واثقة من روحك
لأن الثقة بالنفس تجيب الراحة
وماشاء الله لامنيو تبعك.. مليان من خير الله

الله يكون بعونكـ ..

اصناافكـ ما شااء الله كثيرة لكن متعبة وتآخذ وقت ..

وبلااش كبسة رااح تتعبكـ وما احد ياكلها ..

وبلاش دجاج محمر بالفرن مع الخضار بكيس الشواء .. رااح تطول بالفرن وتآآخذ وقت كثيييييير منكـ ..

الحلى سويه من الليل ..

الشوربة باللحم سويها اللصبااح السااعة 10 وسخنيها قبل الاذان وقدميها بعد الصلاة ..

السمبوسة والفطاير اشتريها جاهزة .. رااح تتعبكـ وتآآخذ وقت ..

سوي 2 صينية فرن سويها الظهر وسخنيها قبل الفطو ووزعيها ..

سوي صينة توست وعليها الحشوة اللي تريحكـ (( تونة مكشنة او دجاج او خضار )) وحطي عليها قشطة وجبنة وما يونيز .. << سريييعة وتريحكـ وماا تآخذ وقت ..

وسوي سلطة فوااكة ..

ومع العصيير والماء وبكـذا راح تتعبى السفرة وتتشرفين زووجكـ ورااح تخلصي من الطبخ تقريبآآ 4:30 ..

افرشي السفرة ووزعي عليها الكاسات والملاعق وصحون الشوربة وملاعق الحلا قبل الاذان بسااعة ..

ووزعي عليها التمر .. والماء والعصير قبل الآذان بشوي ..

والبااقي وزعيه وقت ما يروحون للصلاااة ..<< بس خليكـ سريعة بالتوزيع ..

يا ليتني عندكـ والله اسويلكـ اصنااف واريحكـ ,,

الله يكون بعوونكـ ,,

اذا احتجتي اي شئ انا موجوودة ..

شوفي ياحلوة
السمبوسة والمعجنات سويها قبل بيوم او ممكن تسوينها من اليوم وتفرزنينها وهنا بالقسم ماشاء الله ماقصروا بطرق المفرزنات
واقترح عليك تسوين خلية نحل تقدمينها مع التمروالقهوة والعصاير
وعندك الباشميل والمسقعة سويها قبل بيوم وعلى الثلاجه وقبل التقديم بنص ساعة سخنيها وانتبهي للباشميل لايتيبس وجهها يعني يادوب تسخين

واشوف لو تستغنين عن ايدام الافاصوليا او البامية المسقعة تكفي
التشيز كيك وحلى الشمواه سويها قبل بيوم بس انتبهي حلى الشمواه لاتنثرين الكاكاو البودرة على وجه الحلى الاقبل التقديم مباشره عشان يبقى فرش ومايتشرب رطوبة الحلى
بالنسبة للدجاجة بكيس الشواء تبلي الدجاجه وقطعي الخضار وحطيها بعلبه بلاستيك قبل بيوم وقبل التقديم بساعة وربع اوساعة ونص دخليها الفرن يكفيها فالفرن تقريبا ساعة
غسلي وجهزي خضار السلطة ومكوناتها قبل بيوم والتقطيع وتجهيز السلطة يكون بنفس اليوم العصر
والشوربة سويها العصر وقبل التقديم سخنيها

بالنسبة للمكرونة والمسقعه قدميها في نفس الصينية واكيد معها الاطباق الجانبية وهم يغرفون لانفسهم

الخبز قطعيه ارباع وحطيه في سلة وغلفيها عشان لا ينشف لحين وقت التقديم

الحلى اقترح عليك مادام عددهم محدود سويه في كاسات الحلى بعددهم اسهل لك
والحلى يكون في نفس السفرة عشان يحلو بعد الاكل

وان شاء الله تبيضين وجه زوجك ودعواتك ياحلوة

اطباقك حلوه بس يبيلها تعديل
انتوا تحطون الفطور مره وحده او على دفعتين
انا لو عندي عزومه اول سفره سفرة الفطور
سمبوسه لحم
اصابع جبن او جبنيه او قيمات او قطايف
قشطه تمر لبن عصير
السمبوسه الفها من قبل اسبوع
الفطور الثاني بعد صلاة المغرب واطباق حلوه
بس حطي كل شي بصينيه او صحن لحاله
مسقعة باذنجان وبطاطس باللحم المفروم (تجهز من قبل بيوم)
مكرونة تلي او مكرونة بشاميل (تجهز من قبل بيوم)

سلطة ذره
سمبوسة - جبن لفيها قبل يوم الغزيمه
- بيتزا - سوي الصلصه وقطعي الخضار واعجني العجينه قبل بيوم
كروسان احشيه دجاج لان السمبوسه بالجبن او اعكسي الحشوات جهزيه من قبل بيوم
حلى تشيز كيك او حلى الشامواه يكفي حلا واحد
شوربة
ممكن تسوين ثريد او جريش لان الرجال يحبونه وانا اشوف ان المكرونه تكفي
العصيرات والرطب واللبن
يعطيك العافيه ويسر امرك باذن الله