احس اني بنفر زوجي عني بنفسي..

:11:
ومن سمعك والله يااختي..
بس انا اكثر شوي انا اوسوس لما يغيب اويسافر ولا يكلمني كل يوم افكاري تصير تودي وتجيب لازم انه يكلمني ويحكيلي كل حاجه وبالتفصيل الممل .
:(
والله زوجي يحبني وما يعمل حاجه تزعل ربنا اولا وبعدين تزعلني .:42:
الله يخليكم ساعدونا من هالا فكار اللي بتدمر حياتنا:D

شوفي مدقومه أنا كنت أعاني من نفس المشكله حساسيه ونفس الجمله اللي انتي سمعتيها أنا سمعتها وكنت أغار عليه
موت وممكن ما أكلمه ايام علشان هالسبب بس لقيت نفسي وحيده دايما يقظه ومتنبهه وتعبت صرت أبكي واتعب
وزوجي يسهر مع أصحابه
وبعدين غيرت مجرى حياتي اغار ليش أسوأ شيء بيسويه شنو ؟؟ بيغازل ما أعتقد أذا يحبك ويحترمك وهو بالاصل
محترم صح؟؟؟
بيتعرف على وحده مستحيل لآن الفكره الاولى ماتقبلتيها
بيتزوج ذيك الساعه تعبي وزعلي واذا كنت شايلته بعينك ما راح يسوويها
وولده يكون معاه هذي نعمه مو مع شله تعبانه ولاهي عن ولده بلعب وخرابيط بالعكس حبيه أكثر هذا الشيطان الله
يلعنه يقص عليج شاركيهم اللعب والكلام وسوي عكس الللي يشوفه يعني كوني وسيله جذب وليس نفر
صحيح انا للحين اغار بس أتذكر موقف... كلمه ...أي شيء حلو يجمعنا وانسى اللي صار لو صار زعل أسوي روحي غبيه من زعل؟؟ تبي شاي قهوه ...الله اليوم مادريت اش صار طبعا في البدايه كان يستهزيء ويقول هذي مو صاحيه
بس بعدين تأقلم وما خليت لموضوع الحساسيه مجال أن كان حجته الحساسيه ماله حجه الحين
صدقيني أنتي أكبر من الظنون وزوجك يحبك أحترميه وحبيه وحطيه بعيونك ويشيلك فوق راسه أنتي تمرين بفتره
زعل وفتور وغيوم كلنا نمر فيها وانا واثقه أنك راح تعدينها

الشيطان شاطر واحلى ماعنده انه يفرق بين الزوجين,,خذوها قاعده ولاتخربون بيوتكم بايديكم وتظلمون ازواجكم بدون وجه حق,,اللي واثقه من زوجها وحياتها معاه مستقره فلا تسمح للاوهام تستولي عليها ,,لانها على اسمها (اوهام)من الشيطان الله يلعنه,,خلوا ذكر الله معاكم في كل مكان وكمان الاستعاذه من الشيطان ,,وصدقوني هذي حالات وتعدي على خير ان شاء الله,والله يوفق الجميع.:27:

لشيطان شاطر واحلى ماعنده انه يفرق بين الزوجين,,خذوها قاعده ولاتخربون بيوتكم بايديكم وتظلمون ازواجكم بدون وجه حق,,

صادقة اختي النحلة زينه...ياعزيزتي احمدي الله على النعمة اللي اعطاكي اياها ترا كلما كثرتي من المشاكل المفتعلة اللي مالها اصل بالوجود ...صدقيني راح تصير مشاكل لاسمح الله وماراح يتحسف الا انتي لان الرجال معه حقه اذا سألوه....استهدي بالله وتعوذي من الشيطان ...يكفي انك تقراين بعض المشاكل من بعض الاخوات والله الوحدة تحب ارجل زوجها بعد ماتقرا المشاكل اللي تعاني منها غيرها : اللي زوجها يهددها بالطلاق او الزواج من وحدة....واللي تدري انه يكلم غيرها..............الخ

فاستغفري عزيزتي ولا تصيري امعة للشيطان...:26:

اقسم لك اني كنت مثلك صار زوجي يخرج بره ولا يجلس على الانترنت وتعالي شوفي القهر اللي كنت احس فيه

بس عارفه ايش اللي خلاني اتغير
صلاة الوتر وادعي فيها ان ربي يحسن من اخلاقي ويحببني بزوجي ويحبب زوجي بي
وبعدين احط ببالي ان الدنيا ماتستاهل على شي ازعل فيها واني كم بعيش سنه سنتين الى متى في النهايه بموت عشان كذا استغلها بشي يسعدني ويسعد اللي حولي
وبعدين انا صرت اقراء كثير عن حقوق الزوج واستمع على اشرطه وخصوصا اذا صارت مشكله بينا (مثل بحر الحب’ السعاده الزوجيه ’ السحر الحلال’ فهم النفسيات ) وغيرها والله بس استناه لما يجي وبجري عليه وبضمه وانسى كل شي وفي الليل لما نكون رايقين اذا كنت غلطانه اعتذر واذا هو كان غلطان يعتذر( اول كان زوجي مايعتذر من كثر ماكنت ازعل على اي حاجه ذحين بعد ماعقلت اتبدل الحال) والحمدالله
في حاجه لفتت انتباهي تغارين من طفلك حررررررام عليك بالعكس المفروض انك تفرحي انه يلاعبه والله في رجال قلوبهم قاسيه حتى بوسه مايعطيها طفله

واذا كان مو ولدك شوفي الاجر الكبير اللي بتكسبيه لما تعامليه كويس وبعدين بالعكس كل ماتقربتي من ولده وكأنه ولدك والله غير زوجك يطير بك وينسى كل حاجه تسويها

وسامحيني اذا كنت قسيت بكلمه وانا ماني قاصده
والله يوفقك لكل مايحبه ويرضاه