احس اني شخص غير مرغوب فيه

السلام عليكم


انا بدخل هنا افضفض واقول كل اللي بقلبي
ماابغى مثالية بالردود لأني قرفت من كل شي
انا عمري ٢٣ سنة تخرجت هذي السنة ..
هذا اول شهر اعيشه بدون دوام..
مو هذي مشكلتي
مشكلتي اني كبرت بوقت مااحس فيه اني كبيرة
انا كل مااكبر اكثر أشيل هم شي جديد.. وينضاف لي عبء جديد..
انا فجأة حسيت ان الكل يستنى مني أشياء مااقدر اوفرها
او بمعنى اصح ..المفروض اللي بعمري تكون مالكتها
بتكلم من نواحي كثير عشان تكونون بالصورة..
بنت غير جميلة،ايوا وصلت للقناعة اللي اتأكد فيها اني انسانة غير جميلة
كنت احسب اني جميلة ووو..لكن بعد وقفات مطولة امام المرآة والتأمل بشكلي اكتشفت اني اقل من عادية..
انا سمرا،وهذي أحد مشاكلي بالحياة
لما تعيشين ببيئة لازم تكونين فيها بيضا وجميلة عشان تكون عندك فرص أكثر..ايوا هذا اللي اقوله من واقع تجربة
انا سمرا وطويلة شعري ناعم وطويل واسود
كنت نحيفة..وكنت مضرب المثل بالجسم الممشوق
بس بدا يزيد وزني..كم كيلو
كأني هندية عامةً ..مو حابة شكلي
بس انا كنت احبه اول..الحين صرت مااحبه لأني احسه هو سبب مشاكلي..
عادي توصل البنت ٢٣ وماقد انخطبت؟
انا مااتكلم عن الزواج
اتكلم عن الخطوبة
عن احساسك في انك شخص مرغوب فيه
بس هذا الشعور اللي ابيه..احس ان فيه احد راغب فيني
لاتقولون نصيب...
انا احضر عزايم احضر جمعات احضر زواجات
امي عندها صديقات وانا عندي صديقات
ولا مرة بحياتي خضت تجربة خطوبة..
قبل كم يوم رحت كافيه مع صديقتي..صديقة الطفولة اللي كبرت معها
كانت متزوجة لها شهر
وصديقتي هذي انخطبت كثير قبل زواجها
وقالتلي انا خفت لو ماوافقت على زوجي هذا ربي يعاقبني
لأن الزواج نعمة واخاف اصير مثل اللي يرفس النعمة..
حلو لما تكون متوفرة لك فرص كثيرة وانتي تفاضلين بينها وتختارين الأنسب.. مو تجلسين ماتدرين ايش مخبيلك المستقبل..
انا مو كل تفكيري الزواج ..بس اتمنى اشوفني مع شخص كويس وعندي اطفال..
انا الحين جالسة احضر دورات وعندي بعثة بعد اسبوعين ومتحمسة..وبنمّي نفسي واطورها..
بس فيني جانب حزين مرة واحس بإحباط
اشياء كثير بحياتي صارت بعد ماكبرت ماكنت متوقعة انها بتصير
وماكنت اتخيل ان هذي الحياة اللي بعيشها
اهلي عندهم مشاكل..انا عايشة في معمعة المشاكل
انا عندي مشاكل مع نفسي..
بإختصار احس بشتات..واحس للأسف اني مو متصالحة مع نفسي وحابتها..واتمنى اهرب من كل شي