~Pure Soul~ @pure_soul_3

عضوة نشيطة

احس اني صرت غبية وتافهة

السلام عليكم ورحمة الله

:27:
ترددت كثير اكتب مشكلتي على الرغم اني فكرت كثير بس دايما اتراجع
مدري يمكن لاني احس ان الجواب عندي بس انا اللي مو قادرة اميزه :35:

المهم ياأخوات انا كنت انسانة طموحة جدا قبل الزواج افكر بس بدراستي والمؤهلات العلمية اللي لازم احققها وكيف اخلي امي تفتخر بي وخاصة انها مطلقة واحنا عايشين عندها
واملها بالدنيا نصير ناجحين ونرفع راسها

الى جانب موهبة الرسم اللي كانت المتنفس الوحيد لي ومارح تفهمني الا الرسامة
وكنت استغل هالموهبة بمشاركات ومعارض بسيطة ...

قبلت في الجامعة بتخصص رائع سعيت له من كل قلبي

تزوجت بعد السنة الاولى وعلى طول حملت ومنتطقتي كانت بعيد عن الجامعة

كان المشوار بالنسبة لي تعذيب مع الوحام والترجيع اعزكم الله

ويحلف ابو الشباب انه مافي داعي اني اكمل الحين حتى اولد واقنعني بالكلام

وتركت الكلية سنة ورا سنة كل ماقلت له ابغى اكمل يقول ان شاء الله وتروح السنة علي وانا ماشفت شي

ونسيت الموضوع

ونسيت الرسم ونسييييت كل طموحاتي ورسمي وكل شي

صرت انسانة بلا هدف مااتذكر اخر مره قرأت فيها كتاب على الرغم انه كان من اشد هواياتي سابقا

حتى الكتب السياسية احب اقرأها

بس للأسف الحين اتضايق اذا شفت كتاب

احس صرت غبية حيل اعذروني والله مدري وش صار لي يابنات

بليييييدة لأبعد الحدود كل همي وش باكل اليوم صرت نهمة جدا للاكل بدون توقف اكل الشيبسات

والبيبسي تقريبا 5 الى 3 علب في اليوم سابقا كنت مهتمة برشاقتي ولياقتي عالية ماشا الله

الحين حتى الصلاة اتعب منها كل شي اسويه حتى لو اسوي مرضعة لبنتي احس بجهد جبار
كل يوم اقول بكره ببدا رجيم او تخفيف ويجي بكره وماسويت شي غير تزيد شهيتي

لا حول ولا قوة الا بالله

مو عاجبني حالي ابدا

عيالي مااقصر فيهم بس ودي اصير ام مثالية :icon33:
زوجي نفس الشي الحمدلله وهذ الشي الوحيد الحلو فيني يعني حتى لو مو اللي حولي
دايما يثنون علي من هالناحية كان شكيت اني مقصرة

ابغى ارجع مثل اول

حتى نومي يابنات مو مثل الناس زوجي كسوول يقوم الظهر وتعلمت منه هالشي

مانقوم الا بعد الظهر ويروح اليوم مثل البرق وحنا ماسوينا شي

صار حلمي اني اكون نشيطة ....مثالية بتربية عيالي وخدمتي لزوجي...رشيقة ..انسانة لها هدف مايضيع وقتي
هباء منثورا .....

وودي اسفر شغالتي بس مسكينة طيبة جدا وشغلها حلو وحرمة كبيرة بس زوجي يقول خليها حتى
تخلص مدتها وتسافر باقي لها سنة كاملة.....

بنات اعذروني على تفاهة الموضوع بس يمكن تساعدوني بكلمة تغير لي حياتي المملة

واشكر كل من ردت علي جعله الله في موازين حسناتها يارب

يلزم عليك تسجيل الدخول أولًا لكتابة تعليق.

تسجيل دخول

آم كادي • 13 سنة

الله يخلي لك زوجك وعيااالك

ماشااءا لله واااضح عليك انك ام مثاليه من ناحية الكتب
حاولي تشجعين نفسك في القراااءه وحتى بالنت تقدرين تعووضين جلستك بقرااءة شيء مفيد

ومن ناحية الوزن الله يعينني ويعينك << نفس المشكله :(

*~*Pure Soul*~* • 13 سنة

آم كادي :

الله يخلي لك زوجك وعيااالك ماشااءا لله واااضح عليك انك ام مثاليه من ناحية الكتب حاولي تشجعين نفسك في القراااءه وحتى بالنت تقدرين تعووضين جلستك بقرااءة شيء مفيد ومن ناحية الوزن الله يعينني ويعينك << نفس المشكله :(

الله يخلي لك زوجك وعيااالك ماشااءا لله واااضح عليك انك ام مثاليه من ناحية الكتب حاولي...

لا والله ماني مثالية اتمنى

ويارب يرزقك الذرية الصالحة قولي امين

وربي يقوي ارادتنا وننحف ههههه:32::06:

المقاتلة • 13 سنة

ياعمري عليك ..
ادعو ربي يرزقك اللي تتمنينه
ودام عندك شغاله فانت عندك فرصه للابداع بس الكسل ذابحك وذابحني قبلك على فكره ،، خخ
دوري لك شي ينشطك
واشتري لك ادوات رسم وطلعي ابداعاتك لو تعلقينها في بيتك وبعدين تتوسعين
المثابره اساس النجاح
لاتفرطين بهالموهبه
ولاتنسين تدعين لي ...

بنت شيخ ابن شيخ • 13 سنة

خلي عندك إراده وبعدها شوفي وش بتكون حياتك وبعدين الجلسه في البيت تجيب الهم

من وجهة نظري مشي الشغاله وهتمي في بيتك انتي بنفسك قومي بدري وعودي عيالك ع القومه بدري وشوفي كيف بيطلع

لليوم طعم

هايمه وعايمه • 13 سنة

انا على الرغم من اني حريصه على العلم والقراءه والتجديد والرياضه وانا زوجه وأم ومع ذلك عندي هاجس دائم اني ام مو مثاليه
اعتقد هذا الشعور يجي بالبحث الدائم للأطفال عن حياه افضل من كل النواحي
ومع العلم ان حياتي كلها ابنائي تقريبا مع ذلك انا في هواجس دائمه كيف اخليهم الافضل

*~*Pure Soul*~* @pure_soul_3

احس اني صرت غبية وتافهة

~Pure Soul~ @pure_soul_3