احس اني كبرت

بالبدايه قسم بالله اخر همي زواج وآخر همي
رجل اصلا انا كذا الله خلقني وانا مو اكبر همي
اتزوج و و مثل غيري بعضهم لسى طفلات
ماكمل عمرها٢٠ وتنجن تبي تتزوج وتبي تنخطب
انا العكس تماما لدرجه وصل عمري ٣٠
وللحين احس انه مو شي أساسي
لكن اللي حولي ابوي امي خواتي اخواني
محسسيني اني هم لو اني ليش ماتزوجت او
ليش كل اللي بعمرك معهم عيال وأنتي كذا
اخر شهر هذا ثنتين من بنات
كنت انا شبه مربيتهم لما كانو اطفال كان عمرها سنه
مدري سنتين وانا عمري ١٢سنه كلهم تزوجو
بالشهر هذا. كانو امهاتهم لما يطلعون مع امي
للسوق او شي يحطونهم عندي كنت اهتم فيهم
كللللهم تزوجو اللي انا كنت اربيهن
حتى امي جرحتني لما قالت حتى البزران اللي كنتي
تربينهم تزوجو
حسيت نفسي صددددددددق صدددددق كبرت
وعجزت لما شفت حتى اللي كانو طفلات قدامي
تزوجو
جاء ببالي سوال اذا بنت عمرها ٢٢و٢٥
ويجيه واحد فوق ٣٠ انا الكبيره اللي تعديت
٣٠ بكم سنه من بياخدني واحد عمره ٥٠ ؟؟
مادري نصيبي موقف ليش شي كذا سبحان الله قاطعه
احيانا اقول يمكن عشان شكلي وجسمي
مافيني جمال ابد وشكلي اقل من عاديه ماحد تقدم
لكن اشوف غيري نفس درجة شكلي وبعضهم
جد شينات وماشاء الله تزوجو بدري ومن احسن الناس
اخذو يعني شكلي مو هو السبب
لكن مادري ايش السبب لما افكر بعقلي من بعد
كلام امي حسيت جد كلامها انا للحين متعديه ٣٠
يعني بعد ١٥ينه تقريبا بيصير عمري ٥٠
يعني راح عمري ماحد يبي وحده باقي لها ١٥سنه ه الخمسين
السنين تركض وانا مو حاسه والله مدري كيف كبرت
اتذكر لما ادخل العشرين والله كانه امس وانا سنين لي
مرت وعدت مدري كيف بهالسرعه