احس اني محرومه من احلى شي بالبنت

مرحبا بنات
يمكن كثير يلومني على كلامي
او يقول غلط كلامك كذا
بنات انا ماراح اتكلم عن اللي كل شي بهم كامل
انا بتكلم عن البنات اللي اقل من عاديات
مثلي لكن الله عطاهم نعمة جمال الشعر
يعني يكون شعرها حرير وكثيف ولا فيه شيب
تدرون اكتشفت نص الجمال بالشعر
مهما كان شكلك لو شعرك حلو انتي تعتبرين
عديتي نصف الجمال البلاء
والمصيبه
اللي لا جمال ولا شعر ولا جسم ولا بشره
والله دايم يجي ببالي سوال
ليش الله خلقني بهالشكل ؟
انا ماعترض
وادري الحين بتقولون نفس كلام امي
وغيرها فيه ناس مصلعين
فيه ناس فيها ثعلبه فيه وفيه
طيب انا وش ذنببببببببي!!
انا شدخلني باللي فيها وفيها
ليش ماتقولون هالكلام لملكات الجمال
واللي كل شي فيها كامل اللي اذا شافت
حبه بوجهها انهبلت !! لانها متعوده على الكمال
ليش مايقولون ويعددون الامراض والاعراض
الا للي مثلي اذا اشتكت
انا مشكلتي مارزقني الله شي بشكلي
انحسد عليه نهائي يعني لاجمال شكل ولا شعر ولا جسم ولا بشره كلي بالناحيه هذي عدم
يعني انا اقل اقل من عاديه بكثيرررررر
لدرجه شعري غريب غريب
مهما سويت فيه مهما اهتميت فيه مهما سويت استشوار ليس خشن ماينفع فيه
زي المحروق وينفش وشعرته ثقيله عكس كل اهلي حتى اخواني شعورهم حرير يعني حبكت طلعت انا كذا بينهم!!هذا غير الشيب اللي ثلاث
ارباع شعري شيب يعني زياده على قبح شعري
مليان شيب!! ماقدر اصبغ اذا كان بشعري بروتين لانه يخرب كل البروتين ماقدر اسوي اي شي حتى لما اسوي بروتين مايجلس شهر بشعري
ويرجع شهري ازفت من قبل قلت لكم
نوعية شعري غريبه عجيبه
غير البشره كل اهلي بشرتهم حلوه وصافيه وفاتحه الا انا حبوب شباب مشاكل اكزيما
اهلي كلهم اجسامهم حلوه وطوال انا العكس تماما !!
قصر وجسم غير متناسق
عشان كذا حظي زي الزفت وموقف
وتعديت ٣١ ولا عمر احد تقدم لي بسبب ايش؟؟ الجمممممممال
وكل هذا كوم واذا جاء يخطبني شايب او معدد
يضغطىن علي اني اوافق ليش عشاني مو جميله يعني مايحق لي اتشرط؟
هل تشوفون هذا عدل؟
لدرجه مره شفت وحده
ماشاء الله شوية عليها كلمه
ملكة جمال شفتو لما يقولون لكم
هذي كامله !!
انا شفت وحده ماتوقع فيه وحده بجمالها
البنت ملكة جمال كانها اجنبيه
لما قوت العلاقه بيننا وبين اهلهم
امها من حريم اول
اللي على النيه
اعترفت لامي ان بنتها هذي اللي ملكة جمال
تتعب بالسفر ىلا تمشي كثير
وكل مامشت كثير تجي تبكي من ظهرها
والسبب فيها عيب خلقي بعمودها الفقري
من الولاده
مع كل هذا ماوضح ولا واحد بالميه ان تعاني من شي البنت والرجال زي النمل عليها
عند اهلها يبون يتقدمون لها بسبب جمالها
واخرتها يجون ناس يقولون الجمال مب مهم!!
والله بدون شعور استغفر الله استغفر الله
قلت بنفسي
ليت امتلك نفس جمالها وفيني عيب غير ظاهر للناس نفسها ماراح يضرني شي