احس اني مشتته

السلام عليكم ورحمه الله وبركاته
اول مره اكتب موضوع وياليت تساعدوني
من جد محتاجه احد افضفض له لاني تعبت ماعاد فيني صبر
انا متزوجه من سنه والحمد الله على كل حال من تزوجت وانا متغيره كليا طبعا زوجي امكانياته الماديه جدا ضعيفه فـ قرر اننا نسكن بيت اهله اللي مكون من عوانس ومطلقات وعددهم 7 وبما ان زوجي الرجال الوحيد في هذه العايله زوجي يقرب لي ولد عمي وساكن جنبنا
تقدم لخطبتي وانا رفضت لاني اعرفه شخصيته جدا ضعيفه وما يقدر على اي شيء لكن ابوي كان يشوف فيه نعم الرجل لانه كان خجول وكان يضغط على امي عشان تقنعني اتزوجه لاني البنت الوحيده له وكل اخواني ذكور فكان خايف علي ابقى عند اخواني ولا اتزوج وبنفس الوقت ولد عمي و وافقت وانا ماني مقتنعه فيه كرجال لي انا

تزوجت وكانت الطامه انه عاجز وانا باقي بكر ما فض بكارتي وسكت وقلت يمكن يتحسن مع الايام حت اهلي ماقلت لهم بعد 18 يوم من زواجي جبت مطهر عشان اغسل غرفتي واسمع اخته الكبيره عمرها 38 سنه تهاوش وهو يسمع وكانه ما يسمع انتضرته يسوي شيء لكن ما سواء شيء فطلعت لها انا وقالت لي اطلعي برا بيتنا وهو يسمع ولا قال شيء ولا تكلم وفعلا دقيت ع اخوي و وداني اهلي وجلست 4 ايام عند اهلي واتصل فيه ابوي وقال ماعاد تعيدها اختي وصعبه يطلع والبيت مليان بنات بعدها جيت بطبخ الا نفس الحرمه ذذي تهاوش وتقول لا تطبخين تخربين مطبخنا وماعاد اطبخ جيت اغسل ملابس قالت لا تغسلين ملابسك روحي لـ اهلك وغسلي واخوها يدري واقوله ويسكت تهاوش وتنافخ علي وهو يسمع وساكت تشكي لي من خلق الله وهو يسمع وساكت
جاء العيد ابي ملابس العيد قالي ما عندي ةسكن ورحت لـ اهلي واخذت من ابوي وعيدت ورجعتوالمنوال كما هو
ولو اروح المطعم جو كلهم معي ولو يجيب شيء من برا جاو كلهم معي ولو جاب لي صابون هاوشوه وقالو بس هي تجيب لها وهو يسكت ويسكت ويسكت ولا يسوي شيء قبل اربع ايام كنت عند صديقتي وجيت وانا تعبانه ورحت غرفتي ونمت وهو كان يشوف المباره وغفى على التلفزيون ونام ثاني يوم داوم وجاء اربعه العصر وانا ما طلعت من غرفتي لاني قليله الطلعه لاني ما ابي اسوي مشاكل واتجنب خلق الله جاب لي غداه وقال انه بيروح مقهى تغدينا وهو راح المقهى وانا جلست ع النت صارت الساعه سبع وانا طبعا بما اني في غرفتي كنت لابسه ملابس النوم الا واسمعها تهاوش وفجاءه تفتح الباب علي وتسحبني وانا مدري وش السالفه وتناديني يا××××××× وانا مدري وش السالفه وهو تضربني وتقول ليه ما تطلعين من غرفتك وطردتني برا البيت بملابس النوم وسكرت الباب رحت اركض لبيت عمتي لانها جنب البيت وقلت لها وجابت لي ملابسي وذهبي وجولاتي وتقول انها كانت تفتش بهم دقيت ع امي وقلت لها قالت مافي سياره خلي زوجك يجيبك وراح زوج عمتي جزاه خير وجابه لقاه جالس يتقهوى !!!!!! وقلت له بروح اهلي قال اوكي رحت لـ اهلي وكلمه ابوي وقال صح عليك يا عمي وانا ما ابي المشاكل وبيسوي دور ثاني للبيت ونسكن به كان هذا اول شيء وامس يدق عليه ابوي مايرد ومعطيه حظر بالواتساب وكاتب له مسج - اصلا بنتك ما تبيني والله انها ما تبيني واحطها بذمتي - وهذا مو كلامه اعرفه انا زين هذا مو كلامه وقاموا اهلي وصدقوه وما تحملت وقلت لهم اني باقي عذراء وراح نكشف عند دكتوره ونجيب تقارير وقال ابوي ان طلعت التقاير نطلب الطلاق ولا نخسر شيء
لكن انا مدري وش اسوي هل ارضى بالطلاق واخاف من مجتمعي والا ارضى بالذل والاهانه واستر ع روحي
مدري وش السواه لا معامله زينه ولا يصرف علي ولا يدافع عنه ولا بيده شيء ابدا ابدا مثل الجدار لكني احبه وخايفه من الناس وكلامهم وهو مستحيل يطلعني لحالي بيت وانا مستحيل ارجع
مدري وش اسوي ولا ادري وش ابي اعتبروني اختكم وانصحوني
للمعلوميه عمري 20 سنه