احس اني مكسوره😔💔

السلام عليكم
مدري من وين ابدأ يابنات انا انسانه طيبه جداً واحياناً طيبتي احسها دلاخه
يعني مثل اهلي طليقي اذا واجهتم بمكان او زواج عادي اضحك لأمه من بعيد واخته ترقص معي وكذا واحس الناس تقول الخبله ذي
انا ماجاني منهم شيء ومالهم علاقه في طلاقي بس مع هذا ودي اطنش وارفع خشمي عليهم وكذا بس مقدرررر
انا متزوجه الحين وخلصنا ..
يابنات احس اني مكسوره ماحب ازعل احد ولا اضايق احد وحتى اذا احد جرحني مقدر ارد عليه
احياناً اهلي يمزحون معي احس وجهي يحمر واذاني مدري ليه
امي اذا ذكرت الذريه واحيانا تطقطق علي بس والله اني انحرج وانا ادري انها تمزح
تقول ليتك تجيبن مثل نصف ولد فلانه
ولا فلانه حملت وانتي باقي وزي كذا
معاهندي رد وقتها ع طول ينقلب وجهي احس بالنقص صرت اخاف التجمعات عشان ذا السؤال
عندي مشاكل كثيره بنفسي ابغى اتغير
ابغى يكون فيني دهاء شوي
مابغى اكون صفحه بيضاء الكل يقراني
تعبت
وزوجي الثاني احبه مره ومتعلقه فيه
واخاف يتركني عشان الحمل وكذا
صرت ابغى احمل عشان اعيش معاه احسه اماني وهو شايف هالتعلق واخاف يطفش مني 💔😔
ماعرف شسوي
واتمنى اتوظف بس مالقيت اللي تقدر تساعدني