احس اني وحيده

سلام
بنات انا متزوجه صار لي سنه ونص طبعاً زوجي من النوع الفرفوش اللي دايم يسولف علي ونضحك ونتقهوى وبنفس الوقت تاركه له مجال يروح لاخوياه وانا كمان عندي صديقات اتجمع معاهم لاهيه شوي وزوجي يصحى الصباح يروح يرجع قريب الظهر يجلس معاي للعصر ويطلع ويرجع ١٠ بالليل ونجلس لاخر الليل مع بعض وننام ذا اغلب ايامنا بس المشكله اول كان لما نجلس مع بعض يعني نرمي كم سالفه بين بعض ونطقطق على الجوال ناكل نتابع فيلم اوقات كل واحد على جواله بس مو بشكل مستمر على الجوال اللحين زوجي صار له تقريباً ثلاث شهور والله يجلس وقته كله على الجوال !!! حرفياً مايتركه اسوي قهوه يتقهوى على الجوال ! حتى الغدا يده بالجوال !! اقوله اشغل فيلم يقول لا اقوله سالفه ردوده تسليكيه ! اوريه شي على الجوال والله يلف راسه لي وعيونه على جواله ! اعصب يضحك ضحكة احراج يسوي نفسه معاي !! اسكت واطنش واجلس على جوالي بس انا انسانه امل من الجوال بتقولو اتركيه بحاله والله انا لاهيه اترك الجوال اقوم اسوي اشغال ارجع وهو نفس الجلسه وعلى الجوال ! طيب ياخي احتاج انسان بالبيت مو كأني عايشه لوحدي ! انا انسانه طبيعي بحس ان احد عايش معاي بالبيت مليتتتت وهو الوحيد اللي عندي بالبيت انا ما اقول كل وقته بس ماحس جماد معاي حتى لو اهلي حواليني طبيعي مو ٢٤ ساعه بكون عندهم !! كل انسان طبيعي اغلب وقته ببيته انا اطلع كثير بس اقدر اقول ٦٠٪؜ ببيتي احتاج احد معاي هو وجوده وعدمه واحد والله جا ولا راح اقسم بالله مافيه اي فرق ما احاسبه على وقت خروجه بس احاسبه على الوقت اللي يكون مع بعض تقولو ضغوطات عنده هو بالعكس مو معصب ولا هو منفس بس كذا بالبيت ساكت طفشت بغير الروتين لا حياة لمن تنادي يصكها بوجهي على طول لو بسوي شي مايساعد اسويها لوحدي بس مره مرتين واطفش ! ممل بشكل فضيع وش الحل انا عايشه حياتي بالطول والعرض بس اتكلم عن الفتره اللي اكون فيها ببيتي فعلاً احتاج احد قدامي بالواقع ! مو طبيعي اغلب وقتي كذا اذا الجنه بدون ناس ماتنداس ! يارب وضحلكم قصدي انا طبعاً ماتكلمت معاه ولا قلت له شي واحسه مو حاس بنفسه باقي والله اني هالايام احس بطفش مع اني اطلع يومياً بس ٥ ساعات بالكثير وارجع البيت ١٩ ساعه اقضيها لوحدي حتى لو هو موجود ماحس فيه اي فرق وش الحل معاه؟ ترى يطقطق بالجوال قدامي واشوف كل شي واسفه على كثرة الهرج