احس اني ولا شيء

زوجي ينام لوحده من 3 يوم من الزواج
وينام مع اولاده بالغرفه اعمارهم 9 و 11
حاولت ينام عندي يرفض ويبغى اولاده ينامو معي بالغرفه
وانا رافضه بسبب الاطفال كبار ولا يجوز يناموا بيننا
وثانيا انا مااتحمل راحة البول بالفراش
المهم حاولت بكل الطرق ولا نجحت بالعكس فشلت
واتوقع يتعذر بالاطفال وهو يكذب
انا متأكده مشتاق لام عياله ولا يقدر ينام مع وحده غيرها
احيانا يخونه لسانه ويتكلم عنها ومتخيلها ندمانه ومشتاقه له ولبيته
كثير يمدحها -- الله يذكرها بالخير حتى اهله يمدحونها وطلعت زهقت من العيشه معه
المهم انا ماعندي مشكله بوجود الاطفال وقايمه فيهم بأكمل وجه ولا قصرت معهم
بس انا لي حق المبيت
المهم من فشلت كل محاولاتي قررت
من شهر اهمل زوجي ولا اهتم فيه
في الصباح مااجلس معه انام واخليه
اهتم لنفسي فقط واسعى لراحتي
تعبت نفسيتي الاهمال يقتل واكبر جرح اذا جاء لحاجته الجنسيه فقط او عشان حاجه لاطفاله
اذا ماعنده حاجه لابسأل عني ابد ويكيدني بالاطفال ويحب يقهرني ويغثني فيهم اذا شافني بالمطبخ
يكلمهم ويقول راح ارجع امكم واشياء كثيره
وكثير الصراخ علي واطفاله صاروا يقلدونه ولا يحترموني ويصرخون علي
طيب اذا زوجتك قايمه باولادك باكمل وجه وحنون معهم ليش تعاملها كذا
واذا اخذت ملابسي خلاص ابروح لاهلي يترجاني اجلس ويقول احبك واطفالي يحبونك
قلت ايه تحبوني خادمه بس
لانه رافض يجيب خادمه وانا اقوم بواجباتهم كلها من غسيل وتدريس وطبخ وترفيه
ويمنعني من زيارة اهلي الا في الشهر مرتين
وخواته يتهاوش مع ازواجهم اذا محظرن عند اهلهن ثلاث مرات بالاسبوع
وانا لا يمنعني واهلي قريبين
تحملت كثير وقررت اهمله ولا اجلس معه ولا اعتبره شي
واذا استمر
راح اطلب منه امساك بمعروف او تسريحا بأحسان


اللي متزوجات مطلقين وش الحل معه تعبت بصراحه من سلوبه واطباعه واهماله
امر بضغوط نفسيه شديده واحساس بالنقص
وصار الشيطان يجمل طليقي السابق في عيني وانا اتعوذ من الشيطان لانه تعتبر خيانه لزوجي وانا اخاف الله
ويرفض اتواصل مع صديقاتي ويقول حتى ام اولادي كنت امنعها




راح اموت قهر وصرت افكر بالاستسلام والطلاق 24 ساعه
وصرت اكرهه وتهرب منه اذا شفت وجهه ولا احب اشوف وجهه


مميزاته يصلي الصلاة بوقته ماشاءالله وبار بوالدينه
اما اطباعه وسلوكياته جدا تنرفز وجاهل وفقير ويبرجع ام اولاده وبالعكس اتمناها ترجع وكثير اقول له رجعها انا اطلع وهي تدخل من شفت تعامله كذا استسلمت مستعده اروح لها واكلمها ترجع