احس ان اختي ضرتي 🤕

السلام عليكم بنات


مابطول مقدمات اللي صار ياطويلات العمر ان انا وزرجي متفقين لي سفرة سنوياً خارجية وين مابغى ومتفقين نحجز على عيد الاضحى المهم دورت ولقيت دولة اوروبية جميله وحجزت عليها 10 ايام بالعيد وكلمت اهلي قلتلهم ..أختي الكبيرة الله يصلحها مهجونة سفر لو تسمع احد سافر تنجن مع انها تسافر سنوياً ولافه اغلب اوروبا تقول انا وزوجي متفقين مايدفع علي طول السنه ويسفرني اسبوع لبرا..ماقولكم عن وضع بيتها ولبسها هي راضيه دام انها تسافر اسبوع ماعلي منها الله يهنيها..هي تغار من كل خواتي لو وحدة زوجها وداها مطعم فضحت زوجها لو وخدة جاب لها زوجها شنطة ماركة تدور على نفسها تقليد درجة اولى حتى المكياج اذا جبنا تطير تجيب نفسه لدرجة زوجها يكلم اختي الثانية يقولها الله يوفقكم لو جبتو شي لاااتقولو لها تجي البيت تقرفني وتنكد علي عيشتي تحرمني طبخ وتنضيف وكل شي علشان تجبرني)))،،اللي صار اني كلمت اهلي وقلتلهم اني بسافر على العيد 10 ايام وبخلي اولادي عندكم الحمدلله يعشقو اولادي وهم اصلا يبغوني اسافر علشان يجلسو عيالي عندهم.. من ضمن سواليف خواتي قالو بتسافر فلانه على العيد يقولو اختي الكبيرة قلب وجهها الوان وقامت تخابطت مع زوجها وراحت لاهلي ويك اند علشان تجبرو يحجز يسافرو،،ولاكلمتني ولا اعرف شي توصلني اخبارها من خواتي فأمس بالليل ازززعجتني ترسل ترسل الو صاحية الو نمتي كانت 3ونص الفجر ماكنت نايمة فرديت قامت اتصلت سولفت شوي الا تقول انتي وين مسافرة قلتلها النمسا وسويسرا باذن الله باقي تقريبا شهر ،، قالت يااااقلودة انا كمان اسبوعين بالضبط مسافرة النمسا وسويسرا وبجهز للسفر لو تشوفي زعلت من زوجي على شي فقام زوجي فاجأني بهالسفرة يراضيني كان مطنشني عند اهلي طلع يحجز علشان يفاجأني وانا ماعرف شي وانا كأني سمعت من خواتك انك نازلة .. وتتكلم باسلوب الكيد والقهر تقول خلااص انا بسبقك واقولك وين احلى الأماكن ووين تروحي قلتلها احنا حجزنا كل شي ومخططين وعارفين من ضمن الكلام عرفت الفندق هو 5 نجوم وهي معروفه هي وزوجها يسترخصو عادي عندها لو نجمة المهم تسافر،،شوي تقولي واااو سعره روعه شكلي بحجز فيه ،،صراحة تفقع تبغى تبين انه انا سبقتك علشان اذا اجتمعت مع خواتي بعد السفر تعمل حالها فاهمة وتموت بذم اي شي انا رحته ..ودي ارسل لها اقولها سمعت من خواتك انك قرفتي زوجك علشان تسافري النمسا وتقولي فاجئك 😂😂 ولا اكبر عقلي واطنشها