احس ان الناس ما يحبوني وش السبب يا ترى؟

السلام عليكم

والله ماعمري قلت هالكلام لاحد .. بس ودي اقوله لكم واطلعه من خاطري
احس ان الناس ما يبوني ..ماحد يبي يصادقني ماحد يعزمني كل ما بديت علاقة مع احد تنقطع وما ادري وش السبب
يعني مثلا اذا رحنا عزيمه الاقي الحريم يسولفون مع بعض وماحد يتكلم معي واذا بادرت انا وتكلمت مع وحده ما تكمل معي واشوفهم ياخذون ارقام بعض ويصيرون صديقات وانا ماعمر وحده قالت ابي رقمك والا خلنشوفك واذا قلت لوحده خلنشوفك عطيني رقمك تصرفني .. حاولت اتعرف على جاراتي ماحد يبيني عزمتهم في بيتي واكرمتهم وبعدها ولا وحده عطتني وجه او تتصل علي مع انهم بينهم دوريات وعزايم

امس كنت معزومه وجلست اتكلم مع ثنتين اول مره اشوفهم وسواليفنا عاديه يوم قامت وحده منهم .. الثانيه سكتت اكلمها ما تعطيني وجه بعدين قامت وجلست بمكان ثاني وبعدين يوم جينا نطلع اشوفها قالت للثانيه الخميس الجاي عندي عزيمه تعالي .. وهي م تعرفها اول مره تشوفها وانا واقفه قدامها ما قالت لي.

حتى قرايبنا احيانا يعزمون اهلي وما يعزموني .. :unhappy: الخميس الجاي زوارة اخت زوجة اخوي مرسله لأهلي بطاقات وانا لا.. مع اني مابيني وبينها اي شي :confused:

وانا احب الناس ودي يصير لي مجتمع لأن علاقتي بخواتي سطحيه مابيننا عزايم ولا جمعات.

ما ادري وش السبب .. انا ما اقول انا كامله مافيني عيوب بس اني مؤدبه واحرص ما اضايق احد بكلامي ومبتسمه ونظيفه ولبسي مرتب موب من الغالي لكن مرتب ومناسب لسني ولاني من اللي تلبس فاضح
وما انتقد احد ... انا فكرت ومالقيت شي قلت يمكن لأني ماني جميلة يعني شكلي عادي .. بس اشوف اشين مني وخلق ربي حسن عندها الف صديقه

معليش طولت عليكم