احس ان زوجي يحسب نفسه متزوج شغالة 🙂

بنات انا كتبت لكم قبل فترة موضوعي مع زوجي انه كل ما ارجع من السفر القى البيت معفن وكل مره انظف


والمرع الاخيرة يوم شفت وضعه كذا قلت والله ما انظف لين تجي الشغالة وقال لي وصاختي وقرفي هذي انتي قومي نظفيها.


المهم اني بديت استرجع مواقفه السيئة معي، تخيلوا اني قبل فترة جبت شغالة براتبي برمضان عشان كنت مداومة عن بعد وكان تخيلوا يطلع من دوامه بريك بس عشان يجي يشرف على المطبخ ويتأكد ان الشغالة ما لمست شيء من الاكل ولا جهزت لي شيء. حتى السلطة والبصل والطماطم لو يشوفها تقطعهم كانت تصير مشااااكل بيني وبينه!


وبعدها بسبب شغلي صرت يوم بالاسبوع اجيب شغالة من راتبي وكانت تغسل الملابس وكان بعد يتهاوش معي يقول ليه تغسل ملابسي انتي اغسليهم لا تصيرين اتكالية. هذا وانا ما اخذت منه ريال على هالشغالة..


المهم يا بنات انه قروشني مررره لدرجة كان اللابتوب يدخل معي المطبخ عشان الحق اسوي اكله وانا مداومه 😭


الشيء الي يقهر هو ان امه وخواته كبار كلهم بعمري واكبر وعندهم شغالة بالبيت. تخيلوا ان ما فيه احد غير ابوهم بس عندهم شغالة ولا قال زوجي عنهن انهن اتكاليات. واذا جيت اهله ما يطبخ الا الشغالة ويمووووت على طبخها ويدخل المطبخ وهي تقطع الدجاج وتغسله بيدينها وعادي ما يتقرف ولا شيء


بنات امانه هذا ما تحسونه متزوجني عشان يكدني؟ جوالي خربانه شاشته له شهرين وودي بجوال جديد ويوم جيت اشتري قال ترى باخذ جوالك هذا واصلح شاشته واستخدمه، قلت له ما ودي احذف الي فيه قال اجل اشتري لي ايفون ١٢ معك 🙂


بنات تخيوا اني حارمة نفسي من الجوال الجديد جوالي شكله يفشل شاشته الوااان كل هذا عشانه مناشبني اذا اشتريت لازم يا اعطيه جوالي او اشتري له


وراتبي لازم اكذب عليه وادبل سعر كل شيء اشتريه عشان ما يناشبني عليه. تخيلوا اني كنت اصرف على نفسي واشتري ولا ابخل، بس من بعده وفلوسي صايرة اذا صرفت شيء وبان علي بخاتم او شنطة او لبس يجي هو ويضيق علي واحس يغار اذا صرفت على نفسي يحسن ان له حق بالصرف هذا.


دوامي بعد يقول لي اذا ترقيتي وصار راتبك كذا مثلا بتشترين لي سيارة؟؟ 🙂🙂