ظلع @thlaa

محررة برونزية

احس ان طرح ها الفكره غلط فا وشرايكم

مراحب
تعرفون يا اخوات انه اكثر العوائل يسوون اجتماع يا اسبوعي او شهري ويكون في استراحه او بيت وهذا شي جميل لكن الشي الي احسه ماله داعي هو الي طايحين فيه بعض الناس وهو انه وحده او مجموعة حريم يطرحون فكره وهو يطلبون من بقية الحريم انه الاسبوع الجاي او بعد شهر ترى بنسوي حفله لصغار ولازم يلبسون لبس تنكري ويتفقون ان البس يكون لبس باب الحاره او لبس خليجي شعبي او ماشابه ذالك انا من وجهة نظري ان ها الاقتراح غلط في غلط والي طرحة ها الفكره مالها داعي اذا كانت هي حالتها الماديه كويسه وعندها سواق او زوج طيب يوديها لاي سوق وتشتري لبناتها ماتريد فغيرها ما يستطيع ذالك يعني فا احسها تحرج الناس لانه بعض الحريم مو بسهوله تقدر تشتري لبناتها الي يبون يا تكون حالتهم الماديه ضعيفه اوانها ما تستطيع ان تروح لسوق مثلا ما عندها احد يوديها او ان لها زوج عله فتلقين المسكينه ضاغطه حالها زي سالفة بنت عمي عندها 3 بنات وبس دوران في السوق تدور لهم ها البس الغريب وبجهد تلقى ومن ثم يبلس مره وخلاص وبعدها يتفقون الحريم على حفله ثانيه ولبس ثاني تنكري ويبدا الضغط والحرب من جديد بنت عمي هذه وغيرها الكثير يقولون صعبه اننا ننسحب ونحرم اطفالنا من بد بقية الاطفال وصعبه نوفر لهم وانا اقول ان الغلط من الي طرح ها الفكره الي ما لها داعي حتى مره اذكر في زواج وايضا قبل العام في العيد طلبو ان الاطفال جميعهم يلبسون لبس موحد تنكري
فا يا اخوات هذا موضوع لنقاش وشرايكم فيه

984

يلزم عليك تسجيل الدخول أولًا لكتابة تعليق.

تسجيل دخول

شجرة*الدر • 13 سنة

غلط فى غلط وفكرة مرة مو حلوة واذا يبغون يبسطون الاطفال عندهم الالعاب الحركيه او شكولاته او ايس كريم يبسط الطفل اكثر من اللبس الى يتفاخرون فيه الحريم
ضياع فلوس على شى تافه ثوب يدوخ الواحد لين يللقاة وفى الاخير يلبسه الطفل مرة وبعدين يرمى فى الدولاب امر مافيه الا المفاخرة بين الحريم وكسر قلب طفل امه ما قدرت توفر له الثوب
ولا الاطفال اهم شى عندهم انهم يجتمعون فقط ويلعبون بعيد عن المقارنات

موتي ولادمعة حبيبي • 13 سنة

طيب لا تحضررري ههههههه

لا يكلف الله نفسا الا وسعها

مو شرط البسهم تنكري خلي عيالك مميزين وطنشيك من هالسخافات

(ام بتال) • 13 سنة

من جدهم ؟؟؟؟

ليه بنت عمك ما ترفض

وخليها تجيب حاجه مميزة بدل هالخرابيط تنكري وباب الحارة

في عند ساكو الة صنع غزل البنات والفشار والايس كريم

او تحاول تستاجرها من محلات الحفلات

بتكون مميزة وما بتكلفها ومنها تغير تفكير اللي حولها

آنثى استثنائيه • 13 سنة

آرفضي الفكرهـ
او وضحي وجهة نظرك ...لهم !

مصرقعة هانم • 13 سنة

حلو مره او مرتين بالسنه تغيير للروتين وينبسطون الاطفال وما يثقلون على احد ..,,.. لكن كل شهر صعبه صراحه حتى لو الماديه حلوه وعندي سواق بصراحه مالي خلق الوحده يالله تلاقي وقت تشتري الاساسيات من ملابس عيالها وشلون شي مهوب اساسي ..,,..
وبصراحه لو اني من بنت عمك بجلس جنب وحده احس افكارها زي افكاري ومتضايقه وابين لها ضيقي واننا بنقترح عليهم تغيير التعامل هذا ويخلونه من فتره للثانيه مهوب كل شهر ..