احس اهلي السبب في وقف حالي ! ابي اتخلص من هالشعور

السلام عليكم
انا من فترة طويلة ولله الحمد بقوم الليل وبستغفر ولي تقريباً اسبوع اقرأ يومياً سورة البقرة
في امنياتي كثير في بالي ودي تتحقق اهمها الوظيفة والزواج
بنات من فترة جاتني وظيفة في مكان برا منطقتي وأمي وابوي رفضوا على الرغم ان 3 من عماني موجودين بهذيك المنطقة وسمعت كلامهم
لعلى وعسى تجيني وظيفة بمنطقتي لكن طالت المدة وأهلي عجزوا يجيبيوا لي وظيفة بمنطقتنا
والحين ابوي يقولي لو جاتك وظيفة في هذيك المنطقة روحي !!!!!
بعد ايش ماتتخيلوا قد ايش كنت ابغى هذيك الوظيفة وكل ما اشوف بنت عمي اللي اخذتها بدالي انقهر
اهلي طيبين جداً معاي وكل طلباتي مجابه ومدلعيييني لكن انا مره مقهورة منهم وأحسهم السبب في قطع نصيبي
تخيلوا عندي ثلاث من اخواني مبتعثين 2 أكبر مني وواحد أصغر مني وبرضوا ابوي رافض اروح
ابوي ماهو معقد ومتفتح جداً لكن يخاف علي بشكل مو طبيعي خوفه عليه احسه هو السبب في اللي انا فيه الحين لاني قادرة اتوظف ولا اني قادرة ابتعث حاولت اقدم ماستر هنا لكن انتم عارفين التعقيدات و1000 وحده تقدم وفي النهاية القبول 2
ماني طايقه البيت ولا اني طايقه اقعد معاهم لمجرد ما اطالع فيهم احسهم السبب في اللي انا فيه

ودي أتخلص من هالشعور بس مو قادرة


في حاجة ثانية زايده علي بنات انا قاعدة استغفر بنية اتوظف وأقوم الليل بنية اتوظف رغم اني وعدت الله ان لو صار اللي ابيه راح أظل أقوم الليل وماراح اتركه ابداً
لكن احياناً الشيطان يوسوس يقولي الله يعرف انك تقومي الليل عشان اللي تبينه
شوفي رغم تعبك ومن فترة طويلة تتدعين و ما استجاب لك والبنات اول مايدعون يستجاب لهم
وارجع اتعوذ منه وتجي على طول على بالي قصة يوسف لما تأخر خروجه من السجن واللي معاه خرجوا قبله
ويجيني شعور ان الله راح يرزقني احسن من وظيفة بنت عمي اللي اخذتها بدالي
لكن يرجع ويوسوس لي
والله العظيم تعبت