احس اهلي متوقف فيهم الزمن

بنات اهلي ناس غريبين جد جد غريبين
احس مو مستوعبين الزمن او الوقت اللي احنا فيه
بشرح لكم من اي ناحيه
يعني انا مثلا الحين ادور وظيفه بالرياض
لانها اقرب مكان لمحافظتنا احصل والله كثير
وظايف بحدود ٤٠٠٠ الاف ويجيني قبول مبدئي
من ضمنهم عيادات
او كول سنتر
او مولات كبيره
او كذا يعني هالوظايف هذي
تحصل لي
يجون اهلي انواع التحطيم
وبتروحين الرياض وكرف وشغل عشان
تشتغلين بعياده
ولا عشان تشتغلين بمول
ولا عشان تشتغل كول سنتر
ولا عشان تشتغلين بكوفي
بنات
هم مادري وش ع بالهم بحصل وظيفه حكوميه مثلا؟؟
واغلب معارفي اللي توظفو بالقطاع الخاص
اللي راحت مع اخوها الرياض وتوظفت كذا
يامول او عياده
واللي تزوجت بمكان بعيد وتوظفت بمول
وهم احسن مني الف مره بالشهاده والقسم
ويكون معها خبرات كمان وترضى تتوظف هالوظيفه
وماشاء الله اهلها ابد ابد ماقالو ماتسوى الوظيفه
او اشتغلو تحطيم او قالو كرف وتعب على ٤٠٠٠
اهلي احس لانهم عايشين بمحافظه
طول عمرهم خاصه ابوي وامي
احس افكارهم للحين زمن اول متخيلين الحياة
والوظايف الحكوميه بهالسهوله
اقسم بالله اخت صديقتي معها ماجستير مستوعبين
وتشتغل كاشيره بنستو
حتى لما انصدمت قلت لصديقتي مره شهادتها كويسه
قالت وش تسوي تشغل نفسها لين تحصل شي
يسوى او تستمر فيها مافي شي الحين الا كذا!!
يعني معها ماجستر وممتازه
وتشتغل كاشير
وانا اللي شهادتي جامعيه ع قدي وتقديري جيد
اهلي يبون شكلهم استلم ١٠ الاف!!
عجزت يابنات افهمهم ان كل شي كل شي بالوقت
الحالي صعب كل شي مو متوفر
ولا اختي تقول قدمي بشركات
عيادة ىلا مول ماتسوى كان الشركات ينتظروني !!
يعني صراحه مدري كيف اوصف لكم
افكار اهلي هم قايلين قدمو وتدورو بعيد صح
لكن لما نحصل ونجي نقولهم الوظيفه كذا وكذا
قالو بس !!!!!
تروحين عشان عياده!!
او تروحين عشان مول !!
او تروحين عشان ٤٠٠٠ !!
طيب بهالوقت هذا يعتبر هالشي ذا نعمه
لان غيرنا مو محصل حتى الاشياء هذي
يعني اهلي ع خبرهم يحسبون الحكومي بسهوله بيحصل
لدرجه عندي اخو اكبر مني وجالس ورافض اي وظيفه
على قطاع خاص مايبي ام ٤٠٠٠ الاف يبي حكومي !!!!
والسبب مين ابوي وامي وكلامهم
اخوي الاصغر الحمدلله مقنع ومحصل كول سنتر بالرياض
ومستمر لكن اخوي الكبير واختي للاسف نفس افكار ابوي وامي مقفلين روسهم اما يبون وظيفه حكوميه
او خاص لكن ماتقل عن٦٠٠٠ !!!!!!
والمصيبه الاعظم شهاداتهم ماتسوى يعني اخوي هذا
عربي
واختي الثانيه اللي تنقد المولات والعيادات شهادتها
دراسات وبجيد متخرجه !!!!
لدرجه قلت اذا بنجلس نبي حكومي ونبي ماعرف ايش
بتروح اعمارنا كذا يقولون اي تروح ولا ناخذ ونكرف على
شي مايسوى والله العظيم كل ماتحمست
وجتني مقابله حطموني وطاب خاطري منها