احس اگثر رجال يفگرو گيذاء

 
 زوج شمالي يصف زوجتة ( زوجتي العزيزة يكفي دلع ورمانسية)




  
السلام عليكم








هلا بالبلقيسات




هذا اول موضوع لي 
حبيت انقل لكم نظرة الشمالي لزوجتة الرومنسية 
هذه مشكلة في احد المنتديات التي انا عضوه فيها 
رجل منزل مشكلة لزوجتة ويطلب الحل من الاعضاء 
واول ما قرأت المشكلة عرفت انة شمالي وزوجتة ( ما ادري عنها ) اقرؤا القصة وانتو تفهموا








مع ان زوجي ليس شمالي بس نقلتها لكم لكي تستفيدوا




السلام عليكم




بقولكم قصتي ..




انا ولله الحمد ربي رزقني بزوجه جميله وصغيرة ولكن عيبها الوحيد روووماااااااااااااااااااااانسيه مره مره مره بشكل ماتتصورونه 
وانا بصوب والرومانسية بصوب




هالانسانه ماتعرف تقول لاء نهائي ماتعرف تصرخ ماتعرف تناقش بصوت عالي ، صارلنا 3 سنوات متزوجين ولا تغير فيها شي عمري ماسمعت صوتها تتكلم مثل حليمة بولند 24 ساعه على بالي تتصنع لكن طلعت هذي طبيعتها




عمري ماسمعت اسمي على لسانها كله حبيبي وحياتي وروحي وتاج راسي




اذا راحت عند صحباتها ولا زواج ترسلي صورتها واذا راحت عند اهلها يومين تكلمني كل ساعتين وكلام حب وغزل ومسجات شوق
وربي مو مخليه لي مجال اتنفس او اشتااق لها 
لدرجة فتحت ايميلي لقيت بطاقه منها احبك




وتقولي خلاص تعالي خذني مقدر انام بدونك




ويوم جيت بسافر للعمل قعدت تصيح مثل الطفله وربي رحمتها .. قلت والله ما اقدر آخذك معي معي شباب طلبت مني طلب غريب اني البس تي شريت وتبخ عليه عطري عشان تآخذه معها لاراحت عند اهلها عشان تضمها




والله خلتني مغرور بنفسي وصرت قاسي اكثر لانها لوعت كبدي احسها تتصنع




وانا ما املك ذرة من جمالها لكن تموت فيني مدري وش مسوي لها ..




احيانا ابي انرفزها عشان تزعل وتصارخ اقولها فطور الشباب عندنا وعددهم 6 .. ورمضان كان تقولي من عيوني الثنين اي واحد يحب " ...." اسمي بدلع انا اعزه




ولا جيت آخذها من عند اهلها تقول رايحه عرس مكياج وملابس جديده وتستقبلني بحرارة وتبوس فيني وتضمني وانا ماغبت غير يومين اقولها على وين ليش هالكشخه تقول لك ياعمري




ودايم تتذكر عيد ميلادي وعيد زواجنا ويوم تخرجي وتهديني هدايا وانا ولا اهديها شي ابدا
وتقعد تصيح انت مو رومانسي انت ماتحس فيني انا احبك وانا اموت فيك




كنت بصررخ بوجهها واقولها انتي مو مخليه لي مجال ...




تخيلو حتى خدامه مو راضيه اجيب لها قصدي اريحها قال ايش ماتحب وحده تشاركها في مملكتها .. حتى ثيابي وغتري تغلسهم وتكويهم




كل ماجيت بلبس ثوب القى رساله بمخبى الثوب احبك , اموت فيك




..




قبل لا اجي من الدوام القاها عند الباب وترحيب وكانها ما شافتني من سنه




عمري ماشفت بحياتي انسانه تحب زوجها كثر ماتحبني اقسم لكم مره حطت العشى بصحون وكان صحنها اكثر من صحني بشوي لهتني بالكلام وبدلت الصحون




لو اتكلم ماراح اسكت والله متزوج جولييت لكن انا للاسف مو روميو 




انا مو مقصر معها لا من ناحية ماديه اعطيها فلوس بالهبل واقولها اشتنري هديتك بنفسك تقعد تبكي وتصيح تقول انا احب الهدايا




لاتحسبون ماهيب ام عيال ماشاء الله جبت منها اثنين لكن ماتغير طبعها ..




واكتشفت انها دلوعه امها وابوها مرررررررررررررررره








تكفون علموني كيف اقدر اتعايش معها والله صرت انفر منها كثر ماهي قاعده على قلبي ، صرت اسهر عند ربعي لين 1 الليل ارجع والقى ابتسامه على وجهها ليه مافي زعل ليه مافي ليش تاخرت 
تقول استانس ياقلبي اذا شفتك مستانس افرح








وللعلم شخصيتها قبل الزواج قويه وكانت قياديه وام لسانين لانها صديقة اختي وهذا اللي حببني فيها احب الشخصية القوية لكن اكتشفت العكس (شفتوا لية اعجب بها وتزوجها)
















لدرجه صرت انفر منها ولا امارس معها الجنس بالاسابيع وامارس العادة السرية لاني مليت مليييت








تخيل تتزوج وحده 24 ساعه كاشخه ولابسه ويا تضحك ويا تصيح ويا دموع ماتعرف تصارخ ولاتدافع عن نفسها








ادري كلكم بتتهجمون علي بس وربي طفشت من هالحب الطااغي ابي اتنفس على الاقل اقدر اشتااق لها شوي مو قادر




والله يوم الخطوبة تشرب من نفس كاسي وتاكل من نفس ملعقتي هالانسانة غريبة
















صراحة شكلها رفعت ضغطة بس غريبة انها تكون قوية وام لسانين شمالية قبل الزواج وبعد الزواج تصبح رومنسية جنوبية




بس ذا مو موضوعنا موضوعنا هالرجال




اقرأوا مابين الاسطر ولاحظوا كيف نظرتة لها انها ضعيفة شخصية وما تقدر تدافع عن نفسها
ولو لاحظتوا كذا مرة يقول تصيح وتبكي وتقول انت مو رومنسي لية تتركني هي تريد ان تكسب عطفة ولكن هو يري ان هذه الدموع ضعف وهذا كلامة 
تخيل تتزوج وحده 24 ساعه كاشخه ولابسه ويا تضحك ويا تصيح ويا دموع ماتعرف تصارخ ولاتدافع عن نفسها 
والنتيجة 
حقتبس من كلامة
خلتني مغرور بنفسي وصرت قاسي اكثر لانها لوعت كبدي 
احيانا ابي انرفزها عشان تزعل وتصارخ




ارجوا ان يكون الموضوع مفيد لزوجات الشمالي واترك لكم التعليق علي الموضوع




،،،،،،منقول،،،،،،،،،