احس بإحراج واني اقل من غيري

السلام عليكم
اخواتي انا مجتمعي أقاربي واهلي كلهم حاملين شهادات بكالوريوس
تخيلو خالاتي بعمر الخمسين وخريجات جامعه ليش نبعد بعيد امي خريجة جامعي ومعلمه تبارك الرحمن كل اقاربي ومعارفي تخرجو من الجامعه التعليم الجامعي عندنا مهم ومستنكر اللي مامعها جامعه اخوالي كانو يشتغلو وامورهم تمام ومن حملة الشهادات الثانوية وكملوا الجامعه واحد منهم انتظام وهو يشتغل والثاني انتساب في هجره مالقى الا جامعه هناك بس في سبيل انه يكون جامعي ماهمه
الان الكل بدون مبالغه جامعيين الا انا معاي ثانويه بوقتي الجامعه ماقبلوني بسبب النسبه نازله وبعدها تزوجت وانشغلت ويوم فكرت ادخل جامعه اغلقو جميع الجامعات عن بعد وانتساب
ورب البيت وصل فيني الامر انه اذا طلعت مكان او جوني ضيوف وسألوني عن شهادتي اتصدد من الفشيله ياشيخه ليش أبعد بناتي يسالوني ماما انتي تخرجتي من اي جامعه ما اعرف أرد واذا رديت قالو مااادخلتي جامعه ياماما اغلب الناس او تقريبا كلهم جامعيين محد غيري مكانك سر متفشله ومنحرجه من وضعي وحاسه بالنقص حتى ثقتي بنفسي احسها مهزوزه ورب الكعبه اذا جتمعنا مع ناس وفتحو طاري التخصصات اني اقوم من الجلسه من الاحراج مابي إذًا سألوني وش تخصصك اقول ماكملت جامعه فعلا هالموضوع مسببلي نقص عجزت اتجاوزه مره مره افكر واهوجس مافيه ولا بنت بعمري٣٢ مامعها جامعه الحين اللي بعمر ال٥٠ من اقاربي معاهم جامعه امي خريجة جامعه الامام ١٤٠٩ تبارك الرحمن وانا تقل عجوز مامعي الا ثانوي والله يا احساسي بالنقص فضيع وعجزت اتجاوزه وابي اكمل مالقيت الا انتظام ابي عن بعد مافيه تعبت نفسيا كيف اتجاوز هذا الاحساس يا أخواتي كييف؟؟
حطو في بالكم هذا غير ان الناس مستغربين اهل زوج اختي قالوها لها اختك وش ناقصها ليش مامعها شهاده صغيره وذكيه ليش ماكملت غريبه ؟؟ يعني حتى الناس مستنكرين ومستغربين مو بس انا اللي متضايقه موضوعي محرجني وعجزت اتجاوزه مره مره