احس بالحزن لعدم وجود من احب

السلام عليكم ودي اعرف انا طبيعيه او لا قبل الزواج كان والدي يحبوني ويهتمون فيني ويراعون نفسيتي واحس بحبهم الشي هذا يسعدني ويفرحني حتى واناصغيره كنت اعتقد ان الناس سوف يحبوني مثل والدي والواقع ان كل انسان يحب اولاده وبس مرت السنين تزوجت والوالد توفت الله يرحمها والوالد تزوج والتهى باولاده والاخوان والاخوات قاطعوواللي يتواصل معي خففت زيارتي له لاني اتضايق منهم واهل الزوج بعد المشاكل علاقتي فيهم صا قليله اللي حابه اقوله اني فاقده الحب ماعاد فيه احد من اقاربي احبه اواشتاق اليه ولا فيه من يحبني او يهتم فيني عشان احس بطعم الحياه واحس بالامان والراحه النفسيه احس مالي اهميه عند احد وعلاقتي في الناس كلها نفاق تعبت مافيه حب حقيقي حتى زوجي بديت اكرهه وبناتي يقولون ليش مافيه احد يحبنا مالقيتنا ناس نحبهم ويحبونا صرت افكر كثير لو اموت ايش مصير اولادي وحنا وحيدين ولالنا علاقات قويه مع الاقارب الله يريح بالي