احس بالذنب

السلام عليكم اخواتي ، اول موضوع لي ومتردده حييل ،،
انا بنتي عندها مشكلة وهي ببطني ، وقلبي للحين متقطع عليها كيف اعلمها واقولها لاكبرت وكيف اعلم الناس بعدين عن مشكلتها ، وكيف بتتقبل ، وهل بتلومني لاني ممكن اكون السبب .
يوم كنت بالشهر السابع قالولي في جسم غريب على مبيض بنتي واكتشفوا انه كيس بس مايقدرون يسوون شيء لين اولدها والكيس كل ماله يكبر ويكبر ويضايق المبيض ( المبيض الايمن ) الى ان ولدتها اليوم الثاني على طوول سووا لها عمليه استئصال الكيس مع مبيضها الايمن 💔 ، لان حجمه كبير والتف الكيس على المبيض الين عطل وظيفته ، واللحين عمرها سنة بمبيض واحد بس مقطعه قلبي ليته فيني ولا فيها .
مع العلم اني ماقد صار عندي مشاكل لا اكياس ولا التهابات ، بس الدكتور اللي سووا لها العملية يقولي يمكن سببها هرموناتك الزايده انتقلت لها وسببت لها هالمشكله ! مع اني اول مره اسمع ان هرموناتي زايده منه ودكتورتي اللي اراجع عندها يوم حملي ماقالت لي شيء وان كل شيء سليم من تحاليل وسكر .
طمنوني يا اخواتي وش الحل وشلون انسى هالموضوع واتقبل ، وعطوني تجارب لبنات او امهات شالوا واحد من مبايضهم وتزوجوا وانجبوا > لان محد من خواتي وجماعتي عنده هالمشكلة .