لازم تغيري اسلوبك الرجال مايحبوا الحرمه اللي كذا


يمكن يلاقي بنت تلفت نظره وتحذبه بالدلع و الضحك

شوفي حبيبتي انتي لا تتأثرين بكلام زوجك يوم قال لك انتي اسئلتك وسوالفك بايخه
وثقي تماما ان اكثر وحده فرفوشه واجتماعيه ممكن ببساطه تسمع من زوجها عبارات مثل كذا
هذا شي.. والشي الثاني مسألة انه مع اصحابه ضحك وسوالف. ترى كل الرجال كذا ببساطه .. انا زوجي في عز خناقاتنا وهو معصب مجرد ما يدق واحد من اخوياه تعالي شوفي الضحك حتى نبرة صوته تتغير ويسولف ويضحك ويتواعدون انهم يتعشون برا ..كل الرجال كذا


ومهما حاولتي وجاهدتي نفسك انك تتغيرين وتكونين صاحبة شخصيه جذابه وسوالفك حلوه عمرك ماراح تنجحين إلا بشئ واحد


القراءه
القراءه وما ادراك ما القراءه
والله لتقلب شخصيتك من شي لشي ثاني
مو القراءه اللي يومين ثلاث بعدين خلاص لا القراءه المستمره اللي تزرعينها كطبع فيك
اذكر الاستاذ احمد الشقيري تكلم مره في الاسناب شات عن القراءه.. يقول في ناس تقرأ لانها تحب تقرأ اساسا ..وفي ناس تقرأ لمجرد المصلحه ..ايش هالمصلحه؟؟ هي انهم يحصلون ع الثقافه ويكون عندهم كم من المعلومات وقال انا تحديدا اقرأ للمصلحه وليس هوايه ..
انتي لو ما تحبين القراءه اقرأي لمجرد المصلحه مثل ماقال ..


وانا اكثر الناس اللي يجذبوني
لسوالف معهم (هم المثقفين) مهما كانت شخصيتهم الاساسيه مجرد ان الانسان مثقف ويقرأ كثير هالشخصيه تجذبني وتفرض علي احترامها
اذكر ايام الجامعه كان عندنا دكتورات مثقفات مررره.. طبعا باين من سوالفهم ونقاشاتهم ان عندهم كم من الثقافه .. والله اذكر اني كنت ما امل ولا اطفش من محاضراتهم جد جد ممتعين رغم انهم كانو صارمات جدا بس اول ما ندخل مع الدكتوره في نقاش سواء داخل المنهج او خارج المنهج تبدأ تثرينا بثقافتها وكلامها اللي تقوله بطريقه غير مباشره.. و كنت ما امل من المحاضره لو اجلس ثمان ساعات في المحاضره ماعندي مشكله.. اذكر دكتورتين كانو جدا مثقفات وشخصياتهم حلوه وكلامهم منطقي وحلو والنقاش معهم ممتع رغم قسوتهم وصرامتهم علينا في المنهج .. لكن عمري ما انساهم ..طبعا هم ما قالو لنا يا بنات ترا احنا مثقفات ونقرا كتب كثير وصارت شخصياتنا جذابه.. لا هالشي باين من كل كلامهم ..
اذكر وحده منهم قالت لنا مره(يا بنات اقرأوا إقرأوا قد ما تقدرون القراءه تعلمك كيف تتكلمين من الناس وتعلمك كيف تتكلمين مع زوجك ومع اطفالك القراءه توسع مدارك الانسان وتجمل كلامه وتنمي قدرته ع حواء) وفعلا والله انها صادقه الله يذكرها بالخير
وفي المقابل قابلت كثير ناس فرفوشين واجتماعيين لكن مملين بصراحه ساعه ساعتين بعدين احس ماني مرتاحه لسوالفهم


في وحده من مشاهير السوشل ميديا جميله جدا واجتماعيه جدا جدا.. لكن انا دايم انتقد شخصيتها احسها مو مثقه ثقافتها صفر


حلو لو الوحده ربي يخلقها بشخصيه جذابه بس الاحلى والاجمل ان احنا نغير انفسنا ونغير شخصياتنا للأحسن وهالشي عمره ما يصير إلا بالقراءه ..ممكن في طرق ثانيه بس القراءه اولها واهمها .. ولا تنسين اول كلمه نزلت في القرآن هي كلمة إقرأ..
استثمري اوقات فراغك بالقراءه اقرأي الكتب الممتعه اللي مكتوبه بطريقه حلوه وغير ممله .. روحي مكتبة جرير او العبيكان وروحي قسم الكتب ابدأي بالكتب اللي تتكلم عن النجاح .في كتاب حلو اسمه (هكذا هزمو اليأس) انصحك فيه وكتاب اسمه (خلقت لتفوز) .. وعندك بعد الروايات جدا جدا ممتعه وتنمي لغتك .. كان في جمله تعلمناها من كتاب القواعد واحنا في الابتدائي كانت ( الكتاب افضل صديق) فعلا الكتاب هو الشي اللي ما يمل منك ولا يرفضك


واذا بدأتي تقرين لا تجلسين اسبوعين ثلاث بعدين تتركين القراءه لا استمري وشوفي النتيجه ..هذا غير ان القراءه تخفف عنك الحزن والتوتر وتخلي لك اهتمام مو تركزين ع الكلام الجارح والمواقف الجارحه اللي تكون من زوجك وغيره ..
هذا رأيي الشخصي والله يوفقك يالغاليه وييسر لك امورك