احس باهانه واستحي اطالع بوجه ابو زوجي

السلام عليكم
بنات حاسه بشعور الله لايذوقكم اياه!!
بنات مصدومه بشكل رهيب!!ماعتقد بيوم يجيني صدمه اقوى!!
تخيلو ماخذه عن زوجي انه العاشق والحبيب واللي مايرضى ع زعلي؟ومايرضى احد يتكلم فيني
بنات اقسم لكم بالله تصرفاته عندي كانه مجنون ومنتهي حتى جوع مايجليني اجوع اي مرض بسيط يقروشني بالمشروبات والاكل!!!
كل شيء احتاجه ونفسي فيه مايبخل علي؟يعنيي حتى اخواتي حتى بنات الخاله والعمه
يقولون حظك فيه .
بنات اوقات اكون انا مزعلته وهو يجي يكسر الزعله ويعتذر!!!
وهو يكتب قصايد وكل شوي راز فيني قصيده؟
بنات حتى ابوي من تصرفاته دايم ينبهني اني مازعله وانه ماراح يرضى فيه؟
وش اقول يابنات ووش اخلي؟؟؟
صار موقف فيه سوء تفاهم بيينا وهو عن برنامج انستغرام كنت احط صور لسفرياتي والهدايا اللي يجيبها وطلعاتنا واحيانا صوري؟وماعندي غير اخواتي ووبعض صديقاتي.
بنات الحساب تهكر وفيه صوره لي؟احاول واحاول اني افتحه عيا وارجع البرنامج واحمله واقول يمكن ضغط ومررره رافض يفتح حسابي!!!
المهم اللي هكرته حسبي الله عليها اضافت ولد وعلق ع صوره لي! طبعا صاحبتي عندها وصورت الشاشه ورسلتها لي ع الواتس؟
انا خلاااص بغيت انجن ومادري كيف اتصرف وابي بس ذا الحساب يتقفل تخيلو يابنات في نفس اليوم ونفس اللحظه!تركت الجوال ورحتالحمام الله يعزكم طلعت وزوجي زي المجنون؟
مين هذذا وليش وكيف وباي حق يشوف صورك وصراخخخخخ!!!!
انا ماغير ابكي واحاىل فيه يسمعني وقلت له السالفه ولا صدق..
طبعا معاه حق يزعل ولا اختلفنا مر اسبوع يمكن محد يحتك بالثاني وحتى رما علي طلقه وحده
وكل واحد ماسك له غرفه بالبيت نايم فيها واحلف له واترجاه وابين له موقفي ولا صدق!
ع القران وحلفت؟
ع راس امي وابوي وخلفت؟
مابقى الا اسجد له؟
انا الاقيها من وين حسابي وصوري تهكر ولا زوجي وكلامه!!!
المهم هو رافض يكلمني مره!!
فكنا نتواصل بالواتس ورساله تجر رساله لين غلط بحقي خلاااااااااااص كرهته تمنيت انه يوقف معاي بذا المصيبه ويساعدني وانا ماعندي اغلى من اهلي عشان احلف بحياتهم ولا يصدق؟ومين بيحط اهله بموقف نجس هو سواه اصلا؟
بنات واضح انه اقتنع وهو عارفني جوالي. دايم مرمي ولاني حوله وبالايام يكون طافي يفتحه ولا مايفتحه عادي جدا
يعني حتى انا عارفته اذا اقتنع واضح جزا حتى مايبي لها كلام بدا ..
واضح عليه انه مصدق اني مب انا بس يبي يسوي فيها اللي انا زعلان وانا عاذرته طبعا
تخيلو يابنات البيت فاضي؟اقوم ادور لي اكل مافيه ..طيب ابي اسوي قسم بالله مافيه؟
حتى مكونات رز مافيه؟
حتى ملح مافيه؟ مافيه مااافيه البيت شله فاضي؟تخيلو كنت وانا جايه من الجامعه اخذ اغراض معاي عشان اطبخ فالبيت واسوي له اكل؟لان الوضع ماكان يسمح اني اقوله قضي للبيت وغير عن كذا يقولي مشتري ارض ومره طفرت به هالشهر بنقتسط قد مانقدر ومانبي نصرف اكثر من 50 باليوم؟؟؟؟؟؟ سكت وماقلت شيء ويعلم الله اشياء قد ايش محتاجتها وساكته لين يعدي ذا الشهر
..المهم كنت اجي اطبخ ولا ياكل ؟طبعا من كثر الاكل اللي بالبيت ينرمي بالزباله!!!
صرت ماخذ من الجامعه شيء
واموت جوع بالبيت حتى صحباتي بالجامعه يقولون لي شكلك حامل وجهك مو طبيعي وصفار؟
المهم رسلت له بعد السالفه باسبوعين (اني اهنت نفسي بزياده وانا كل شيء في سبيل رضاك سويته حتى كرماتي نزلتها لك ولا عجبك ومستعده احلف انك مصدقني بس عاجبك الوضع انك زعلان علي ..واساسا انت طلقتني!فعشان كذا انا بروح لاهلي اقلها احسن من اني اقعد معاك بييت واحد ولا كأننا عارفين بعض وتاكد ان ربي بيبين لك موقفي بيوم من الايام)
طبعا جاء طيران واعتذر وخلاص لاتروحين وليش ماقلتي لي عن البرنامج انه تهكر قبل انا اشوف
وووالخ...
ورحنا اعتمرنا واحسه رجع زي اول واكثر وحب ووله وسوالف واهتمام وكل اكلنا من برا مايخليني حتى اطبخ!
الصدمه يابنات رحنا لاهله(عطتني امه جوالها عشان اراسل وحده لي عندها غرض) وكنت اراسلها وهي تتاخر بالرد شوي وزوجي راسل لامه؟
اما من اللقافه فتحت وقريت تخيلو يسبببب فيني سببببب! بغت تطلع عيوني؟لا لا ماني مصدقه؟
وامه راحمتني وتقول انا اشوفها حزينه ومكسوره ساعدها؟ويقول ماقدر اتحملها ولا ابي اساعدها؟
بنات يدي بس ترججفففف احس انه حلم؟وفي المحادثه امه كاتبه اني كلمت اختك وحتى اختك زعلانه عليك -علطول طلعت ورحت قريت محادثة امه مع اخته-امه تقول لاخته الكبيره ان فلان ماعاد يبي زوجته يقول وشايف له شوفه وبيتزوج؟ وكلم ابوه وقاله ان صور زوجته منتشره بتويتر وعلى الهاشتقات؟وانها حتى مانطبخ له ولا تغسل ملابسه!؟واخته جت قبل كذا نامت عندي يمكن اسبوع بغت تنهبل وسبت في اخوها وقالت كذاب انا شفتها بعيوني كيف تكرف.
بنات انا قريت هالكلام امس ؟
ودي افتح الموضوع معاه واقوله انا فعلا ماطبخ وماغسل وصوري ع تويتر؟
بس اذا سالني كيف شفت ذا الكلام احس اني استوقحت يوم فتحت المحادثه؟
ايش اسوي طيبه نفسسسي مره خصوصا يوم قال لابوه؟وش ماخذ عني من فكره ابوه؟
ياسبحان الله هذا اللي عندي بالبيت والله يابنات شوي ويشيلني من الارض.
تكفون طلبتكم عطوني حل مابي اهين نفسي ولا ابي امررها له؟
وشش اسووووي؟):