عواطف تركي :

لا تخدعي نفسك وتتعشمين بالاوهام ولا تجعلين نفسك تسليه وتمضية وقت فراغ لشخص فاضي يتسلى معك بكلمتين حلوين وعمر الكلام مايوكل عيش .. الرجال اذا حب يتزوج بنت معينه يقدر يتزوجها ومحد يمنعه ولا يوقف بوجهه خاصة انه سبق له الزواج انتي عارفه ان اللي صاير بينكم غلط وش تنتظرين ؟ رجال يتلاعب ويتصيد الشريفات مثل المراهقين بمقاطع ورسايل وسواليف وانتي متجاوبه ومستمتعه . رجال خاين للبنت اللي راح تكون شريكة حياته وجالس يخونها معك وانتي عارفه ولازلتي متجاوبه ومستمتعه . رجال غير صادق وغير جاد ماعنده غير الكلام ويضحك عليك بكلمتين تدغدغ مشاعرك ويستخدم امه كعذر لمنع الزواج وانتي لازلتي متجاوبه معه ومستمتعه . رجال عارف وش يبغى وعارف انه ماله رغبه في الارتباط فيك وقال انه خاطب واوهمك انه مايحب خطيبته عشان تبقين معه تسليه وانتي مستمره ومستمتعه . اللي بينكم مجرد كلام في كلام بدون أفعال وبالنهايه الخاسر الاكبر في الموضوع هو انتي فقط ! نصيحتي لك اختصري العذاب على نفسك واحفظي ماتبقى من كرامتك وشرفك واتخذي قرار عقلاني بقطع العلاقه واذا هو حاب يرتبط فيك يجي لاهلك يخطبك ويعمل لك قدر وقيمه وكرامه ومايستخدمك في الظلام ويتلاعب فيك . لا تأجلين موضوع قطع العلاقه والتواصل ارجوك لا تصغرين نفسك قدامه وترخصين نفسك عنده اكثر من كذا والله لو انه فعلاً يحبك وشاري قربك راح يطلب من امه تخطبك لكن الله اعلم اظن انه ماعنده رغبه لانه بالاساس نواياه تسليه فقط وانتي تتحملين جزء كبير من الغلط لانك فتحتي له المجال ورجعتي تتواصلين معاه انتي كذا اعطيتيه الضوء الاخضر بإن لك رغبه بالتواصل وهو تجاوب معك يعني من الاساس نية الزواج ماكانت موجوده . كرامتك واحترامتك لا تفقدينها عشان شخص لا يحل لك وبس تذكري بنت الناس اللي مالها ذنب وانتي دخلتي عرض بينها وبين خطيبها الخاين ، لا تكونين طرف في قهر وعذاب وحده غيرك لانك ماراح تتوفقين الله يهديك ويصلح بالك

لا تخدعي نفسك وتتعشمين بالاوهام ولا تجعلين نفسك تسليه وتمضية وقت فراغ لشخص فاضي يتسلى معك بكلمتين...

ام يوسف يوسف :

يطلب ايدك حاﻻ حاﻻ

يطلب ايدك حاﻻ حاﻻ

violet🦋 :

هذا التعليق محذوف