احس بثقل الصلاة وش السبب

السلام عليكم
نفسي اصلي قيام الليل وادعي
كنت حامل بشهر التاسع وتعبانه ويادوب اشيل نفسي
ورجولي تعورني
لاكن كنت ماافوت قيام الليل
مااصدق متى يجي الليل عشان اقوم قريب الفجر
واصلي ركعة اقرأ فيها سورة البقره كاااااامله رغم اني حامل وثقيله مررررره
بس كنت اتلذذ بصلاة ودعاء
ويوم كنت نفاس تضايقت لاني ماعاد اقدر اصلي
وخلصت نفاس وسترديت عافيتي
واسهر بالليل ماانام على الجوال
لاكن مالي نفس اصلي
كاااارهه قيام الليل استغرك يارب
مالي نفس ادعي
لاكن من يوم يجي انهار ودي الليل يجي عشان اقوم واصلي وادعي واستغفر واقرا قران
لاكن من يوم يجي الليل يروح الحماس
مع اني مافيني نوم ولا تعب
واحاول اقوم اصلي ثلاث ركعات بسور صغيره مافيهن اي خشوووع

واترك القران ماافتحه
وش الحل وش السالفه؟
كيف احب قيام الليل
الله مايحب لقائي؟
استغفرالله واتوب إليه