استخدمي كريم بيبانثين الأزرق عند الصيدليه ممتاز

الف سلامة عليك
استخدمي كريم بالمرز للتشققات مره ممتاز ان شاء الله يفيدك

انا كان ينزل وياي دم من كثر الجروح بس شوفي
اولاً ابعدي عن الشفاط لانه هو اول سبب يجيب لك تشققات استخدمي البديل الي هو ضغط بيدك وماي دافي ويطلع الحليب الزايد عندك
ثانياً خطاء كبييير تسحبين الحلمه منها وهي ترضع تكبر عندك التشققات وتزيد
ثالثاً اتبعي هالطريقه اسبوع وشوفي كيف تتحسنين
الطريقه كالاتي
اول شيء رطبي المنطقه بفازلين وحطي منديل غير معطر
وخلي الحلمه دايم رطبه ولمن تصحى بنتك ترضع مسحي الحلمه بمنديل ع خفيف ورضعيها وتحملي الالم شوي
ثانياً حاولي كل ١٢ ساعه تريحين ديد وترضعين بالديد الثاني عشان يرتاح الجرح
ثالثاً بين كل فتره وفتره حطي كماد ماي دافي على صدرك عشان الحليب مايتحجر وتتالمين وترتفع حرارتك
واخر حل واتمنى ماتجربينه الا في الضروره القصوى في حبوب بالصيدليه تنشف الحليب تجي حبتين بالعلبه خذي نص حبه يوم ويوم لا بس حبه وحده اقسميها يومين والثانيه لاتستخدمينها ابببببد بلييييز ترى تنشف الحليب بالمره