بسم الله الرحمن الرحيم
قريت هالابيات واعجبتي وحبيت انقلها لكم
وان شاء الله تنال اعجابكم
حس بضيقةٍ بالصدر مدري وش سبايبها
*** حزين ومنكسر وأبكي ودمع العين مشقيني
ألوم النفس وأقهرها أسايـرها وأعـاتبها
*** وألوم الحظ وأدعي له واحاتي باقي سنيني
بلتني دنيتي بهموم وأشقتني مصايبها
*** وأحس بجمرةٍ بالجوف تحرقني وتكويني
عيوني تذرف دموعي على نفسي تحاسبها
*** ونفسي تشتكي دمعٍ من أحلامي يصحيني
هـمومي تقتل آمالي بـعـيدة ما تـقربها
*** وحظي عاثرٍ جنبي يعذبني ويبكيني
سنين العمر تمضي بي على أرخص مراكبها
*** مجاديفي ضلوع القلب تدفعها شراييني
وبحرٍ بعبر أمواجه دموعٍ كنت ساكبها
*** على حالي وآمال تلاشت يا نظر عيني
أعاصير الزمن هبت على قلبي هبايبها
*** وشالتني من أحلامي وبالأوهام ترميني
حياتي واقعٍ مؤلم كذا المعبود كاتبها
*** أنا صادق بإيماني والمقسوم يرضيني
جمعت أوراق لسنيني أعددها وأرتبها
*** وأسلي خاطري وأكتب شقاي بدمع من عيني
كان عندك هم @kan_aandk_hm
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
روووعه