احس بظلم كبير وماني قادره اتكلم

سلالام


انا معلمه مكروفه لابعد حد يعني من ادخل لما اطلع حصص حصص نشاط اذاعه تفعيل وماسكه صف ثالث ابتدائي يعني مجهود مضاعف بينما غيري تلف وتدور وتاخذ اقل نصاب وحتى لو نصابها كثير ماتحضر الحصص وهذي حضها فووق مايلقون عليها زله وحتى لو لقوا يا تتمسكن او تطول لسانها عشان يسكتون واشوف كل شوي معلمه تاخذ يومين ثلاثه مع جمعه وسبت وتلعب او تسافر فيها وهي اهلها عندها وانا صعبه جدا جدا اخذ لان اهلي بعيد جدا ماني قادره اطولهم بثلاث ايام وهن اهاليهم قريبات وامهاتهن عندهن وكل شوي وحده تقول بسحب يومين ثلاث ارتاح واسافر ووحده وربي ساحبه لها اسبوع مسافره والمديره ع الصامت وكل شوي تسوي اجتماع كلكم متساوين بالنصاب والتعامل ياشيخه طيري انا جتني النفسيه من الضغط والغربه وهن مرتاخان يراوغن ومرتاحات ترى هذا سبب الحسد والحقد بين المدرسات
واللي تجيها تتكلم تفضحها بين المدرسات ترى فلانه قالت عنكم وقالت يعني حتى مااقدر اقول شي ولا اشرح لها اي وضع اعيشه ونفسي اقولها انت ظالمه وتمشين بعض المدرسات على كيفهن والبعض منهدات جسديا
وربي لي ست شهور عن امي ورافضه تعطيني اجازه ثلاث ايام مع الاجازه النصفيه اقلها اجلس مع اهلي عشر ايام واللي اتكلم عنهن لهن حوافز فوق قرب اهاليهن انا مو حسوده بس الواحد يحس ويشوف ماهو غبي ويحز بنفسه انه وصل لمرحله القهر وغيره كل يوم يتفنن بحلا والا اكل يجيبه عشان يجلس يسولف ويطنش الدنيا
مليييت حسبي الله ونعم الوكيل