احس بققهر 😑

السلام عليكم
اتمنى تساعدوني انا سجلت بالمنتدى بس عشان ابي حلول لاني تعبانه مره
انا اهلي ضروفهم الماديه سيئه جدأا
عندي ٤ اخوان بالجامعه واحد بالبتدائي وواحد مايدرس ابوي ترك البيت وغير مسؤل عنا ابدا امي موظفه براتب ٣ الاف يالله يكفينا انا توظفت بمستوصف قريب لاهلي براتب الفين وكنت اصرفه ايضا على البيت بعدها انخطبت وتزوجت واخذت واحد ضروفه الماديه كويسه واهله ماعليهم ماشاءالله طبعا بيتنا مافي مجلس نستقبل فيه ضيوف وننام على الارض وضعنا جدا سيى انا صار عندي شقه مأثثه وزوجي سيارته حلوه وبدت الراحه تبان علي صرت كل مايعطيني فلوس زوجي اروح اوزعها على اخواني وصاروا يقولون لي انتي بيتك احلا بيتنا طبعا الصغار ولبسك حلو صرت اروح لهم بأسوء لبس عندي واذا رحت شريت لحم ودجاج ورز وقرصان واطبخ لهم ماوديت فلوسي بعطورات وخرابيط مثل اي بنت توها متزوجه لاوالله كل شي لااهلي لدرجه زوجي يلمح وين الفلوس الي معي اوديها واطنشه واشتري هدايا لامي واخواني وماقد دخلت ايدي فاضيه ولا اعلمهم عن طلعاتي واكلي ولا اي شي واعبي الثلاجه اكل ولازم يااطبخ ولا اشتري لهم من مطعم واختار لهم احسن المطاعم وابي بس اشوف الفرحه بعيونهم وكان زوجي اذا شرا اكل كثير اصيح اقول بقلبي ليت هالاكل عند اهلي واذا سالني شفيك اقول بطني يعورني هم ببالي دايم احبهم حب الله يعلم به وامي تغار مني اول مادخلت شقتي بعد زواجي بفتره لان دايم اقول تعالي وترفض وكنت اقول احسن لاتجي غشان ماتشوف الي عندي وتتحسر ومره جت ودخلت غرفه نومي طفى مكيفها وزوجي عيى ينام فيها جلس حول السنه ينام بالمجلس ولمبه الحمام طلعت شراره وخربت المغسله بنفس اليوم ودايم تقولي من زين زوجك شوفي زوج فلانه وفلانه وتقارن تحب دايم تقلل منه وانا كنت امشي وعادي وماكنت اقولهم عن حياتي ولا شي لاسفره ولا طلعه ولا اي شي بس عشان مشاعرهم والله اجلس عندهم بقميص عشان مااتغير عليهم الي صار بعد خمس سنوات تخرج ٢ من اخواني ورواتبهم فوق العشره وصاروا يكبون الفلوس على امي وصارت امي تلبس وتكشخ وتسوي ماسكات لوجهها وتروح عيادات تجميل وصارت الام الكشخه وصار تستحقرني وتبين لي ان حياتها احسن من حياتي وحتى بعض من اخواني صار ياي يقول سافروا زي الناس البسي زي العالم انتم ماتطلعون مطاعم صار يشوفوني ولا شي وصاروا ينتقدون حياتي وامي صارت تسسوي لي حركات اني انا خلاص بعدي عني وتقول لتشوفين حياتنا بعدين وش بتصير وجالسه قايمه تقول يارب ارزق عيالي القصور وتبين لي ترا بنصير مب احسن منك الي بعده وبتشوفين ورفعت خشمها علي وصارت تشوفي القرويه الي ماحد بينفعها الا عيالها لدرجه صرت اسحب مااجي ماتدق تقول وينك اول كانت تدق الحين لا عادي يمر اسبوعين ثلاثه ماتسال اخواني الصغار هم يسالون بس واخواني الكبار صاروا زيها الي يع من زينك روحي طوري زوجك وغيري اثاث شقتك انتي ولاشي مع العلم اني وحيده ماعندي خوات ومتعلقه بااهلي جدا وجالسه احاول ااعود نفسي بالبعد عنهم لان صارت روحتي عندهم اذا رجعت بيتي اتهاوش مع زوجي وعيالي واصير عصبيه وبس اصيح طبعا امي مااابي اقول وش تسوي لي حركات بكل مره عشان تقهرني
فكرت ابدا البس واكشخ واروح لهم بس احس بغصه بقلبي لان كل ماروح تسوي لي حركات انا الكشخه ومعي فلوس واحسن منك احس تعبت من المعركه ذي وانا بس ساكته
شلون اعود نفسي ابعد عنهم 😐😐