احس بكسر و قهر

السلام عليكم ...

مابين فرحة الاجازه و جمعة الأهل و تخطيطات للطلعات كسرة خاطر و حزن 💔

زوجي رفض اني اسوق
و جت العطله وكل يومين او ثلاث أطلبه ازور اهلي مره يودينا و مره يرفض ... ( أنا واهلي بنفس المنطقه) .

اخواتي يجتمعون عند اهلي سهر و فطورات و ضحك واذا جيت اهلي مشيوا لبيوتهم اطلبهن يقعدن و نبي نسهر و ننبسط يتعذرن انهن تأخرن و يبن بيوتهن ...

واقعد أنا و بناتي لحالنا بصالة اهلي ، واخواتي اللي ماتزوجن ينمن و يتركوني لحالي ...

أرسل لخواتي المتزوجات تعالن، اللي تقول تعبانه و اللي تقول مشغوله
وبناتي ملاحظات الشئ ، ماحد يجلس معنا

وضاقت فيني الدنيا ، لا زوج يطلعنا و لا راضي اسوق عشان اطلع مع بناتي و لا اهلي يجلسون معنا ...
طلبت اختي أبي البقاله تعذرت انه تعبانه و الباقيات نايمات ...
أنا الحين عند اهلي البارحة و الليله جالسه أنا وبناتي لحالنا بالصاله بكيييييت لين قلت بس ....

وبناتي جابوا معهن فعاليات و هدايا و كذا .. بس للأسف حسينا مو مرغوب فينا ...

تكلمت معهم قالوا أنتي حساسه و رجعت و بكييييييييييييييت 😭😭😭 ...