السلام عليكم ورحمة الله وبركاته :27:


انا اقول يا خواتي انكم لو تنظمون وقتكم يعني تجيبين ورقه وقلم و تسوين لج مثل الجدول تكتبين فيه الساعات و كل ساعه تكتبين فيها النشاط او العمل اللي راح تقومين فيه...

مثال: تخصصين لج وقت للقراءه ووقت لمشاهدة التلفزيون ووقت للجلوس مع الأهل والدردشه وياهم وقت لدخول النت والمنتديات,, وانا عندي اقتراح انج تخصصين لج وقت تلعبين فيه رياضة مثلا رياضة المشي .. ولا تنسين تخصصين لج وقت لقراءة القرآن ترى يساعد واجد انه يوخر الملل... ووقت لزيارة ألأهل والصديقات

حاولي انج تغيرين من شكل غرفتج و تنظيمها بيدج.. يعني في افكار حلوه وبسيطه تلقينها في المنتدي اهني في القسم الخاص للأثاث

و صدقوني لو يصير الوقت منظم راح تحسون انه يمشي بدون ما تحسون

عاد انا عطيتكم اقتراحات والباقي عليكم :27:

والله هم انا تمر علي حالات الملل وضيقة الخلق وماااااااا ادري شسوي
مرات اطلع الملابس اللي بالكبت والبس واركب بدل يديده
ومرات اصور بكاميرة الفيديو ويروح الملل
بس مرات مااااااااااااااكو فايده لو شنو اسوي ما يروح الملل

اختي كلنا نعاني من الطفش والملل ماله حل ابد

جربي انك تكثرين السنن بعد كل صلاة وتصلين بطمأنينه وتذكرين الله كثير والله هذي الراحه اما مشاهدة افلام وخرابيط هذي هي الي تزيد الضيقه ضيق والله ثم والله السعاده بالتقرب الى الله وذكره_(الابذكر الله تطمأن القلوب)قسن بالله هذا الكلام عن تجربه جربيه وتشوفي كل خير وكل انشراح والله يوفقك

بنات اشرايكم نسوي قروبات نطلع مع بعض بمكان عام ونتعرف على بعض يعني مو بس النت يجمعنا انا سويت هالشي مع بنات وصرنا صحبه اكثر غير الدورات اللي ناخذها مع بعض واللي صعبه عليها ممكن تشوف من الاهل مو شرط من النت

بعدين اللي لاقيه فراغ ممكن تسوين شغلات للاهل تاخذين عليها فلوس تسوين فيها مشروع انا اسوي هالشي مع اهلي طبعا شغل خاص لشركه

والرياضه اكيد والقرايه لو من النت

والتلفزيون انا صراحه مااحبه بس ساعات اشوفه :27: