احس بوحده على كثر الي حولي

مرجبا
مو مسئلة طفش لا مشكلتي اني احب الناس والجمعه من قبل ما اتزوج كنت احلم اني اكشخ واروح لاجتماع مع الناس وتزوجت وحمولتي ماشاء الله عندهم بنات متزوجات وعندي سلفات فرحت صراحه وقلت الحمد لله هذا الي ابي مو واحد مقطوع من شجره او هو في ديره وأهله في ديره حمولتي ما اظلمهم ناس محترمين بس فيهم طبع غريب انا ساكنه جنبهم ما يجتمعون مو زي الحمايل الثانين الي كل خميس او جمعه الكل يحظر البنات وحريم العيال لا اتضح لي أن عمتي هي الي تتصل عليك وتقولك سيري علينا اليوم الفلاني يعني ما تجين من نفسك المهم صارت عمتي تناديني في الشهر مره او كل أسبوعين يعني هي الي تحدد لكل زوجه ولد يوم فإذا رحت لهم فقط جلسه مغرب او عصريه مافيه الا عمتي وبناتها الصغار الي ما يرفعون روسهم من جوالاتهم وملل مافيه سوالف وعمتي صمت مطبق وكن مالها خلق وكثير اعزومهم وكني اسحبهم سحب وعلى ها الروتين طبعا بناتها يجون كل خميس وجمعه ماشاء الله اسمع أصوات جمعتهم وانا في بيتي واتمنى اني معهم طبعا سلفاتي ما اشوفهم ابدا فقررت اطلع معهم لمكان عام او اعزومهم عندي والكل يتهرب الي تقول مرتبطه والي مشغوله واتفاحى لكل وحده منهن صديقات ودائم طلعات معهم وسنه على ها الحال
صديقاتي كل وحده لها حمولتها واقاربها وصديقاتها وحياتها قسم بالله طفشت حتى زوجي يجي وينام من العصر إلى العشاء وبعدين يطلع واذا قلت له ابروح على الاقل لم الحديقه الي حولنا يقول صاحيه انت قري في بيتك ابرك لك حتى الشبابيك ما يبيني افتحها يقول الجيران يشوفونك والله طقت كبدي ومليت