- بالنسبة للكوي في طريقة اخذتها من عالم حواء وهي ان الملابس اذا شلتيها من الغسالة
علقيها بشكل مرتب عشان تنشف كأنها مكوية وماعليك الا انك تصفطيها بشكل مرتب وتدخليها الدولاب هذا بالنسبة لملابس البيت
ملابس الطلعة اكويها على طول ودخليها الًولاب عشان ما تتجمع عليك
- العاب بنتك هالطريقة استخدمها مع بنتي وولدي اخليها يختارون الالعاب الي بيلعبون فيها هالشهر ويحطونها بصندوق والباقي اجيب صندوق اكبر وادخل فيه الالعاب الزايدة وارفعها
واذا جاء الشهر الي بعده انزل الصندوق ويختارن منه الي يبون وارجع ارفع الالعاب الزايدة
منها ترتيب ومنها يشتاقون لالعابهم الي رفعتها
وعلمي بنتك مجرد ما تحوس الالعاب راح تعاقبيها بانه ترفعين الالعاب عنها
خليها تتعلم ترجع كل شي مكانه
- خلي بنتك تساعدك بالبيت بحسب سنها يعني اشياء بسيطة هالشي يزيد ثقة الطفل بنفسه ويخفف عنك.. مثلا عوديها تعلق ملابسها وترتب سريرها وخليها احياناً تجمع معك الزبايل
وطبعاً كافئيها وامدحيها ع نظامها
- قسمي يومك بالترتيب وحطي لك شغلة معينة ضروري تخلصيها يومياً كذا ما يتراكم عليك الشغل
- ايام الاسبوع قسميها يومين لغسيل الثياب ويومين للكوي مثلاً ويوم بالاسبوع تنظفين البيت بشكل قوي وتنفضينه نفض وافضل حددي بكل اسبوع ترتبين غرفة مثلا مرة ترتبين غرفة بنتك وتطلعين القديم والالعاب المكسورة او الي ما تبيها وتمسحين الدولاب والادراج وترتبين الملابس ...الخ
والاسبوع الي بعده يكون المطبخ مثلا ونفس الشي تطلعين الي منتهي تاريخه
وفيه طريقه سويتها بمطبخي وارتحت بعدها مرة
الي هي اني كثرت السلال بالمطبخ
. حطيت سلة صغييرة جوا الدولاب الي جنب الفرن وحطيت فيها زيوت الطبخ
. وسلة فيها الصوصات وغيرة
. وسلة للمعلبات وثانية للبساكيت ... الخ
وبالثلاجة نفس الشي حطيت علب صغيرة من ايكيا ورتبت فيها المعلبات
. وسلال حطيت فيها الخضار والفواكه بشكل مرتب

الحمام يوميا قبل ما تتروشين(تتحممين) غسليه ونظفيه وبعدها تروشي كذا تصيرين خلصتي شغلتين بوقت واحد

هذا الي اذكره الحين
وصراحة اتحمست معك يوم دريت انك ما عندك خوات
لان انا بداية زواجي كنت كذا وما كان عندي احد يوجهني فكنت افقد هالشي واتمناه
لين تعلمت كثيييير من عالم حواء خوات ما جابتهم امي
وزوري قسم التجارب المنزلية بيفيدك مرة

واي شي تبين تسألين عنه انا حاضرة

ياحبايبي.الله يسعدكم وربي ماتقصرون

انت قلتي بيتك ضيق وصغير يعني سهل ترتيبه بعدين فورا اعيدي كل شي لمكانه وماعندك غير هالبنت يعني مافي اسرة كبيرة تتعبي من أجلها اما النوم نامي شوي بعد خروج زوجك للعمل ولما تصحي جهزي الطبخة ونظفي البيت ورتبي نفسك انت عاملة مشكلة من لاشي
ربي يكون معك ويقويك ويصلح حالك

اختي اولا حصني نفسك وزوجك وبيتك يوميا صباحا ومسائا ثانيا اقرئي القران وسوره البقره يوميا يقول الرسول صلى الله عليه وسلم أقرئوا البقره فأن قرئتها بركه وتركها حسره ولا تقدر علييها البطله اي السحره وانتي تقوليين عفارييت خلاص اقرئي سوره البقره والقران سوف يتطهر البيت من العالم الثاني ومن الطاقات السلبيه اللهم ياكافي اسمعي قال الرسول اقرئوا صلى الله على محمد صلى الله عليه وسلم اختي انا مطلقه بس كان عندي بيت صغغييرون والكل كان يمدح نظافه البيت وترتييبه أختي انا بقولك سر من اسرار البيت النظف المرتب لا تراكمي الاشغال بل اعملي اول باول اختي أول بااول الصحون على طول بعد الغدا اغسليها الملابس لا تكوممميهن كثيير كل شي اختي على طوول رتببييه وهكذا نظمي جدولك رتبي افكارك ومثل ماقالت اختي مسك ادخلي قسم التجارب والحللول المنزليه انا كنت ادخله الله ثم هذا القسم تعلمت الكثيير اختي انا مطلقه ادعي لي برضى الله وراحه البال والقلب والخير واشكري الله كثيير كثيير على بيتك انا الى الان ابكي على بيتي طردت منه غصبا عني طردني منه الله يسامحه اشكري الله على نعمه البيت ذكرتتيني ببيتي صغييرون عندما قلتي بيتي صغيير تذكرت بييتي كم بكييت على بيتي وكم ذرفت الدمووع اللهم يارب بردت جوفي لك الحمد حتى ترضى اجبرني يارب ياحبيبي

لاتنسي قبل تنامي تقولي سبحان الله33 والحمدلله 33 والله اكبر 34
وانت تشتغلي استغفري وشغلي قران وخصصي وقت لقراءه القران

اذا خرج زوجك وبنتك للدوام قومي اشتغلي ثم سوي الغدا وتحممي وترا بيتك صغير يعني شغل خفيف يعني الصبح طويل فيك تنامي شوي وتنظفي شوي وتطبخي شوي
المطبخ بعد العشا امسحي الغاز والرخام وخصصي يوم بالاسبوع للتنظيف العميق
الحمامات والمغاسل فيك تبخي بالليل كلوركس والصبح تغسليهم
او اذا دخلتي تتروشي غسليهم ويكون يوم بالاسبوع تنظيف عميق
الغسيل خصصي يوم للغسيل ويوم للكوي
بنتك لازم تعلميها كيف ترتب اغراضها وسريرها وكمان فيه شغلات تساعدك فيها مثل تجمع الزباله تفرز الملابس الابيض عن الملون ترتب السفره تمسح الطاولات يعني شغلات خفيفه بسيطه وكمان لاتنسي التشجيع والمدح قدام ابوها