احس حتي فستان زواجي كانه كفن.. ساعدوني بهالمصيبة..

السلام عليكم ورحمه الله وبركاته.............

قصتي بدات في شهر 11 اي قبل 3 اشهر تقدم لخطبتي عده اشخاص ووافقت علي واحد منهم

طبعا بعد السؤال عنه مدحه الكثير لكن كان تعليمه ثانوي وانا جامعي واعمل مدرسه ويكبرني ب5 اعوام


وانا ابلغ 26 سئلنا عنه لمده شهرين واعطاه الوالد الموافقه قبل شهر ونصف طبعا حصلت الشوفه الشرعيه بحضور والدي واخوتي واعجبني واعجبته المهم جاءت امه واخته لزيارتنا وللتعرف علي واعجبتهم.

وجاء بالمهر وجهزت نفسي للزواج وحجزنا الصاله وفستان الزفاف

واتصل به والدي ليبلغه ان زواجنا سيكون في نهايه شهر 6 في هذه الاجازة وكان الخاطب فرح

تخيل بعد هذا الكلام ونشرنا خبر خطبتي بين اقاربنا وبين زميلاتي

اتصل الخاطب قبل يومين ليبلغ والدي ان من بعد اعلان الزواج والخطبه ان نفسيته تعبت

ولم يعد ياكل او يداوم ويريد انهاء الموضوع ببساطه

لااستطيع ان اصف لكم كيف وصلني الخبر والله كنت اتوقع انها كذبه او مزززحه

بعد استعداد نفسي لمده شهرين تكون نهايتي ان يقول انا تعبت ولا استطيع اكمل الزواج

احس كرهت حياتي ولم يعد لي امل بشي حتي النوم لااستطيع ان انام او اكل..........

كرهت البيت والدوام وحتي كل شي اشتريته احس حتي فستان زواجي كانه كفن

اتالم واموت باليوم مليون مررره احس كان اللي صار حلم مو حقيقه

اتصل به والدي واخبره لياتي لياخذ مهره وانا اسمع المكالمه وبكل بساطه يقول متي اتي لاخذ المهر؟

احس بقهر الدنيا .....اشعر اني اتمزق
ماراح انسي اليوم اللي رحت فيه البنك عشان احول له مهره وانا اسئل نفسي :معقوله كل شي انتهي بها البساطه؟؟؟؟؟؟؟

انا كرهت الزواج..........احس بمراره وانا اتذكر تاريخ زواجي

ماقدر اتخيل اجازة الصيف تجي ويمر علي هالتاريخ

احس اني اموت وانا عايشه بين اهلي

احيانا اسلي نفسي واقول يمكن انها خيره لي وله لاني صليت الاستخاره اكثر من 30 مره قبل موافقتي عليه

لكن ماقدر املك نفسي والله لي يومين ابكي وانا جالسه بين اهلي

احس الدنيا ضاقت علي

انا ماتالم لاني اخاف مااتزوج غيره اثناء خطبتي له تقدم لخطبتي 3 اشخاص وبحكم

اني وافقت عليه رفضتهم

والله نوم مو قادره انام ولا اكل احس راسي بينفجر من كثر التفكير.......

ليه يسوي فيني كذااا انا ماغلطت علي احد بحياتي واسات لاحد

احس الدنيا اسودت بعيوني يعني معقوله هذي نهايتي

حتي دوامي كرهته والبيت والشوارع اللي كنت امر فيها واتخيل حتي ايامي معه ....

اتمني انام مااصحي الا بعد مانسي كل اللي صااار

اتمني اقوله اللي سويته فيني حررررررررررام.........

انا تعلقت فيه مع اني ماشفته الايوم الشوفه وحتي كلام ماكلمته

والله تخيلت حياتي معه حتي تخيلت اطفالنا وش بيكونون
احيانا افكر اقول يمكن انه تراجع عن الزواج لانه راي اني افضل منه بكثير فانا علي قدر كبير من الجمال ومن عائله معروفه وتعليمي افضل منه...... واجيانا اقول يمكن انه صادق بانه محسود من بعد نشر خبر خطبتنا

دعواتكم لي فحالي لايعلم بها الا الله

اكتب رسالتي ودموعي تنزل........احس ان قلبي يتقطع على اللي صار