الملكـة @almlk_6

عضوة نشيطة

احس حياتي بتنهار ..

السلام عليكم ورحمة الله وبركاته

مرحبا يا بنات ..

شو أخباركم ؟

ان شاء الله بخير ..

بنات .. انا ابي نصيحتكم .. ما تدرون اشكثر نفسيتي تعبانة .. واحس اني بين لحظة والثانية بنفجر ..

أنا بكتب لكم مشكلتي وانتوا لا تقصروا بنصايحكم الحكيمة ..

انا متزوجة لي الحين 11 شهر .. ومن ثلاث اسابيع والدة ..

مشلكتي هي زوجي .. زوجي اكبر عني بسنتين ونص .. وهو صغير عمره 23 .. وهو مع انه خريج ثانوية عامة وخريج معهد في بريطانيا .. ومع هذا كله فهو انسان راعي بحر ومتأثر وايد بالشواب راعيين البحر وبأفكارهم ..

يوم تزوجته صدقوني من أول اسبوع قالي في ويهي طلعات وفنادق وهالخرابيط ماشي .. بيت اهلج والسوق بس .. انا يتني صدمة بس اول الأيام سكتت قلت يمكن ييتغير .. بعده صغير ويبي يفرض نفسه .. اول الأيام يوم ابي اطلع كنت لازم اقعد ازن على راسه وشوي ويرضى .. الحين لا .. لو اصيح الدم يقولي لا .. ويوم اسأله ليش يقول ماله داعي .. اونه يحس انها خسارة ومالها داعي .. والله احس بغصة .. اقوله كل الناس تسير تتشرى وتلبس .. وناس مطيحة كل يوم بالسوق اقوله انا اطلع بالشهرين يالله مرة .. اتم اقعد اصيح .. ويقولي والله كل شي الناس بتسويه نحن بنسويه .. احسه جنه يبي يذبحني .. اقوله انا انسانة محتاجة ابي شغلات ولازم اسير السوق .. والله يا بنات يسألني شو هي الشغلات اذا ما دشت مزاجه يقولي لا ما بوديج .. وبقولكم موقف سخيف سويته .. ساعات اقول هذا اللي مخليه بعد ما يوديني .. الموقف هو اني كنا بنسير السوق نتشرى حق العيد وكانت امه بتسير ويانا .. المهم هو قالي قبل يوم السيرة بيوم انو زهبي غراضج وما ابي نتأخر ومن هالكلام .. انا هذاك اليوم سرت وغسلت نقابي .. وعلى بال ما ينشف واكويه قلت بكويه باجر الصبح .. ويا يوم السيرة وانقطع الكهرب .. ولو تشوفوني .. ما عرفت شو اسويه النقاب حالته حاله .. متبهدل شكله .. قلت له ما بروح ونقابي جي .. قالي عن الدلع لبسيه ويالله قلت له سير انت وامك انا ماني سايرة بها النقاب الا اذا بتوديني بيت اهلي اكويه ونروح .. وترا بيت اهلي قريب وبنفس المنطقة يعني بدربنا للسوق .. قالي هذا اللي ناقص .. تصطفلي وسار عني .. وقال لامه السالفة .. وانا خلاص بموت من غصتي .. ادري انه ما بيوديني مرة ثانية هذي سيرة وحدة .. المهم يت امه وقالت لي ما يهمج بيوديج وبتكوينه ويالله نسير .. قلت لها ما بسير ليش من الاول ما يرضى .. قالت لي ما يهمج .. وسرنا وكويت النقاب وسرنا السوق .. لو تشوفونه ما كان يصد لي كلش .. ولا حتى يكلمني .. ويوم امه تكلمه يرد عليها والله قهرني .. هو يحس انه هالطلب اللي طلبته شي كبير وماله داع .. مع انه شي بسيط .. وبيت اهلي محد فيه غير اخواني ووقتها كلهم مدارس .. والوالد والوالدة عطوكم عمرهم .. الله يرحمهم ويغمد روحمهم الجنة ..

وفيه طبع ما احبه ابدا انه دفش في اسلوب كلامه .. وبالنادر تطلع منه كلمة حلوة .. واذا تطلع ويقولها احيانا تكون بالغلط .. جي احس والله صدقوني .. اول الايام يوم كنت اقوله انت ما تقولي كلام حلو يقولي انا ما اعرف هالخرابيط وحب ما حب هذا كله ما من وراه فايدة .. مع انه اول ايام الزواج كان لين معاي واسلوبه الطف بحبتين من الحين .. يمكن لانه اول الايام ..؟؟

هو مرة طلب مني اني اقوله كلام حلو بس احس اني ما قدرت .. يعني من خذيته لليوم الكلمة الوحيدة اللي قدرت ادلعها فيه هي حبيبي اما كلمة ثانية لا .. وما اقدر احس توقف عندي .. وكل ما احاول اني اقوله كلمتين حلوين احس عمري غلط واسكت ..مع اني يوم اكلمه في التلفون احس تطلع مني بعض الكلمات .. واحس اني اقول كلام اكثر من انه يوم يكون جالس عدالي .. احس اذا كان جالس عدالي ما بقدر اقوله ولا كلمة .. وهذا الشي وايد مضيق فيني .. وابي اقوله كلام حلو عل وعسى تنفك عنده عقدته ويقولي نفس ما اقوله .. بس ابي عقدتي تنفك ..

بنات .. في بعد شي مأرقني ومتعبني .. ريلي من النوع اللي يحب يطالع قنوات الأغاني مع انه يوم تزوجنا كان تاركنها .. بس الصحبة وما تسوي .. والحين اذا نقعد نطالع شي بالتلفزيون لازم يدور على هالقنوات ويلف لها عشرين مرة .. ساعات اقعد اتحرطم منه وساعات اقعد لاحول لي ولا قوة ..ويقعد يمدح في جسم هذي وخصر هذي وفوق هذا كله يقولي مب مثلج .. ومب مثل خصرج .. وانا ما اقصر اقوله عيل تشبهني بهذول مالت عليك .. وساعات اطنشه واسكت .. احس انه يبي يكرهني في نفسي غصب .. ويا بنات لا تقولوا اني مقصرة في حقه .. صدقوني اني البس له واتكشخ .. شو يقولي يوم يشوفني شو مسويه في عمرج شكلج يزيغ ..ولا شكلج بايخ وساعات يقولي شو تحسبين عمرج حلوة .. مع أن كل اللي حولي يشهدون لي بالجمال ولله الحمد وفوق هذا كل ما يقولي اني حلوة .. ومرة سألته .. ليش ما تقولي يقولي اكبر غلط يوم تمدح الحرمة .. صدقوني قلت له لا تمدحني ولا تجاملني ولا شي بس قول مرة في حياتك كلمة زينه او اسكت لا تقول .. لانه كلامه جارح .. وكل هذا لانه يقارن بيني وبين هالعري اللهم عافينا اللي في التلفزيون ..

انا ما ابي اطالع هالعري صدقوني بس لانه ما يقعد في البيت أبداً وخصوصا انه راعي بحر .. يطلع الصبح مثلا ما يرجع غير تو اذان العصر .. يتسبح ويطلع ما اشوفه غير وقت الرقاد واذا ابي اسولف وياه يعطيني ظهره ويرقد .. اونه هو تعبان .. وطول العصر بروحه حايت يقعد يحاوط .. انزين اقعد عني .. والله انتي ممله وما عندج سوالف .. واوني كل اطلب .. مع ان الأشياء اللي اطلبها ممكن اي حرمة تطلبها .. مع انه ما يوفر لي من طلباتي غير الربع والباقي مع اني محتاجته بس ما يسأل اذا كنت وفرته حق نفسي .. ساعات احس اني مثل الطلابة يوم اطلب منه .. مب كأنه واجب عليه انه يجيب لي الأغراض اللي ابيهم .. بس ما شي فايدة تعبت من افهمه انه لازم يوفر لي ها الاشياء لانه من مسؤلياته كزوج ولا كأني قلت شي .. ساعات اقعد احسب اشكثر يقعد عندي .. صدقوني ما يتعدة ساعتين باليوم تخيلو .. طبعا بالليل يوم يرد بيقعد يسولف خمس دقايق هذا اذا ما قال انا تعبان .. وبيرقد ..

ويوم بيقعد عندي يسولف .. لازم بيجرحني بكلامه .. ما يراعي مشاعري أبدا .. وانا هالفترة عالدقة .. ما اتحمل منه ولا كلمة حتى من باب السوالف .. احسها مثل الاهانة واحس انه ما يحبني .. مرة كنا قاعدين نطالع التلفزيون وطلعت بنية حلوة .. جان يقول يا زينها ومن هالكلام .. وأخر جملة قالها مب مثلج .. وطالعني بنظرة واوني مب حلوة .. عصبت وطلعت .. وقعدت اصيح .. ويوم دخل وشافني اصيح .. جان يقولي انا ما اقصد وانا اسولف وجي .. بس بالنادر تصير احيانا يطنش وما يسوي لي سالفة .. امس مثلا كانت عندي عزيمة في بيت اهلي .. وصدقوني رجعت البيت بالليل مب متعشية وتعبانة .. قلت له انا ما تعشيت جان يقولي مشكلتج .. تراها مب اول مرة .. وقعدت ساعة اقوله حرام عليك ما كلت شي من العصر وتعبانة .. وجان يتصل بالمطعم ما حصل عنده شي .. ومطعمنا هذا مطعم فقر .. كل ما عنده .. المهم .. وجان يقولي ماشي .. رقدي انتي ويوعج .. وتلحف ورقد .. قعدت اصيح لين قلت بس .. مب لاني يوعانه .. بس لانه مب مهتم .. ولا راعاني أبدا .. ويوم بنته تصيح .. يقولي يالله قومي رضعيها .. وانا .. ما سأل عني انا أبداً ..

احسه مخلني في آخر لستته .. ومب مسوي لي اي قيمة عنده .. واذا حسسني بقيمتي فهذي بالنادر تحصل ..

وهالفترة صاير كلامه مثل السكين بالطالع والنازل يجرح .. ساعات حتى اقول برجع بيت اهلي اهون علي .. احس بذل .. كل شي في تعامله معاي يحسسني بذل واني ما لي اي اهمية حالي حال الكرسي او الطاولة ..

تعبت .. والله تعبت .. ابي احس لنفسي وجود في حياته .. ابي احس اني لي قيمة ..

بنات الله يخليكم .. لا تحبطوني زيادة .. ابي كلام يشجع .. لاني حاليا في الحضيض ..

وابي دعواتكم ان الله يهدي زوجي ويصلحه ..

يلزم عليك تسجيل الدخول أولًا لكتابة تعليق.

تسجيل دخول

غلا الفلاحي • 19 سنة

و الله يا خياتي ..

اسمعيها امني .. دووم قوليله مثلا اختي سارت و يا ريلها و يا حلاة الفستان الذي خذته او البدله .. حسسيه ان ريل اختج مهتم ابها او مثلا ريل اخته هوو .. و حاولي دوم اتسمعينه من الكلام الحلوو انت اتقولين انج هب رايمه لا بالعكس انت اترومين بس حاولي و بتقدرين ..

اطلعي له بنيو لوك ..

امدحيه جدام الكل يوم هو يكون يالس .. و مثلا يوم يرد من البحر زهبيله الحمام ( عزج الله ) و لبسته ..

و يوم بيوديج السوق خذي لج لبسه و البسيها حقه و قوليله شوف شقى حلووه ..

راعي انها اتكون فاتنه..

و لا تنسين الدعاء .. ادعي وايد ..

او ان ما نفع كل ها .. خلي عمرج زعلانه ..مطنجره .. مبرطمه .. يعني اتغلي عليه .. و اونج تعبانه و ما تاكلين و كله في الغرفه و ما ترمسينه الا بطريقه رسميه ..

و جي .. و عقب ان ياي بيراضيج .. انفجري في ويهه .. يعني قوليه احس اني هب امعرسه شراة كل البنات .. ما عندي ريل يهتم ابي .. ما عندي حد يوديني السوق .. ما احس انك اتحبني .. و كل الي في خاطرج طلعيه

يمكن الله يهديه ..

و ان كل ها ما نفع .. رمسي اخوج .. يرمسه ..

بس ابشرط اخوج يكون متفهم هب يريد يتضارب..

و الله يوفقكم

UAE_forever • 19 سنة

غلا الفلاحي :

و الله يا خياتي .. اسمعيها امني .. دووم قوليله مثلا اختي سارت و يا ريلها و يا حلاة الفستان الذي خذته او البدله .. حسسيه ان ريل اختج مهتم ابها او مثلا ريل اخته هوو .. و حاولي دوم اتسمعينه من الكلام الحلوو انت اتقولين انج هب رايمه لا بالعكس انت اترومين بس حاولي و بتقدرين .. اطلعي له بنيو لوك .. امدحيه جدام الكل يوم هو يكون يالس .. و مثلا يوم يرد من البحر زهبيله الحمام ( عزج الله ) و لبسته .. و يوم بيوديج السوق خذي لج لبسه و البسيها حقه و قوليله شوف شقى حلووه .. راعي انها اتكون فاتنه.. و لا تنسين الدعاء .. ادعي وايد .. او ان ما نفع كل ها .. خلي عمرج زعلانه ..مطنجره .. مبرطمه .. يعني اتغلي عليه .. و اونج تعبانه و ما تاكلين و كله في الغرفه و ما ترمسينه الا بطريقه رسميه .. و جي .. و عقب ان ياي بيراضيج .. انفجري في ويهه .. يعني قوليه احس اني هب امعرسه شراة كل البنات .. ما عندي ريل يهتم ابي .. ما عندي حد يوديني السوق .. ما احس انك اتحبني .. و كل الي في خاطرج طلعيه يمكن الله يهديه .. و ان كل ها ما نفع .. رمسي اخوج .. يرمسه .. بس ابشرط اخوج يكون متفهم هب يريد يتضارب.. و الله يوفقكم

و الله يا خياتي .. اسمعيها امني .. دووم قوليله مثلا اختي سارت و يا ريلها و يا حلاة الفستان...

اكبرر غلطه فى الدنيا انج تقارنين الريااال بحد غيييره

احذي ثم احذري بيقوول سيري لريل اختج اتوقعي ها الشي

اختى انتى بعدج عروووس بعدج مافهمتى نفسيه ريلج عدل

يعني اجلسي معاه جلسه حواار قولي له تعاال بنسير نجلس عدال البحررر فى الليل وقت العطله مب البحر هوااايته قولي له خبرني شو تسوون وانت مستانس من ها الشي انا بعد فرحاانه انك بحاار

وهنااك ع جلسة البحر تفاهمي ويااه فضفضي لفخاطررج قولي له فى اشياء فخاطري ودي اقولها لك ليش ماتقول لي كلمه حلوووه اذا هو مايقوول انتى قووولي انتى كتبتي انج ابد ماتقولين ولا كلمه غير حبيبي!!!!!! غلط اختى الغلطه منج الريال مايقول الا اذا الحرمه قالت

انتى ابدي وقوولي اي كلاام وخلى علاقتج مع عمتج علااقه حلوووه لاني لاحظت تغارين منهاا هاي امه اذا حبيتي امه بيحبج خاصه انتى ماعندج ام حسسيها انهاا امج ومالج غنى عنهاا اكييد بتشكرج وبتكبرين فى عيين ريلج وفوق هذا بتحصلين اجررر

الملكـة • 19 سنة

غلا الفلاحي :

و الله يا خياتي .. اسمعيها امني .. دووم قوليله مثلا اختي سارت و يا ريلها و يا حلاة الفستان الذي خذته او البدله .. حسسيه ان ريل اختج مهتم ابها او مثلا ريل اخته هوو .. و حاولي دوم اتسمعينه من الكلام الحلوو انت اتقولين انج هب رايمه لا بالعكس انت اترومين بس حاولي و بتقدرين .. اطلعي له بنيو لوك .. امدحيه جدام الكل يوم هو يكون يالس .. و مثلا يوم يرد من البحر زهبيله الحمام ( عزج الله ) و لبسته .. و يوم بيوديج السوق خذي لج لبسه و البسيها حقه و قوليله شوف شقى حلووه .. راعي انها اتكون فاتنه.. و لا تنسين الدعاء .. ادعي وايد .. او ان ما نفع كل ها .. خلي عمرج زعلانه ..مطنجره .. مبرطمه .. يعني اتغلي عليه .. و اونج تعبانه و ما تاكلين و كله في الغرفه و ما ترمسينه الا بطريقه رسميه .. و جي .. و عقب ان ياي بيراضيج .. انفجري في ويهه .. يعني قوليه احس اني هب امعرسه شراة كل البنات .. ما عندي ريل يهتم ابي .. ما عندي حد يوديني السوق .. ما احس انك اتحبني .. و كل الي في خاطرج طلعيه يمكن الله يهديه .. و ان كل ها ما نفع .. رمسي اخوج .. يرمسه .. بس ابشرط اخوج يكون متفهم هب يريد يتضارب.. و الله يوفقكم

و الله يا خياتي .. اسمعيها امني .. دووم قوليله مثلا اختي سارت و يا ريلها و يا حلاة الفستان...

صدقيني جربت اقوله عن غيره من الازواج اللي عندنا في العايلة يقولي وانا شو لي فيهم .. كل شي الناس بيسوونه نحن بنسويه ..

بالنسبة للتغيير .. بحاول اني غير من شكلي .. لاني فعلا من فترة .. وناوية جريب اني اغير من طريقة لبسي ..

وعلى الزعل يا ما زعلنا وقعدنا بروحنا وبرطمنا .. حتى صياح صحت ولا يحرك فيه شي إلا بالنوادر ..

وصدقيني كذا مرة قلت له اني غيري عايش احسن مني وجي ..يقولي انا ما علي من الناس الله عطهم وعطاني .. وكل بن آدم ورزقه .. صدقيني من يقول هالكلمة اسكت .. ما عندي شي اقوله له بعد هذا ..

وبالنسبة اني اكلم اخوي صعبة .. انا ابيه من نفسه يتغير .. مب عشان اخوي كلمه .. احس ان كل شي بيسويه بيكون مغصوب عليه .. واخاف بدل لا ينعدل حالي يعتفس ..

وتسلمين اختي على ردج .. ما تدرين اشكثر استانست يوم شفت انه في ردود ..

وبدعي ان ربي يهديه ويهديني ويصلح حالنا آميــــن يا رب ..

والله يوفقج .. اشكر وجودج ورفعج معنوياتي ..

الملكـة • 19 سنة

UAE_forever :

اكبرر غلطه فى الدنيا انج تقارنين الريااال بحد غيييره احذي ثم احذري بيقوول سيري لريل اختج اتوقعي ها الشي اختى انتى بعدج عروووس بعدج مافهمتى نفسيه ريلج عدل يعني اجلسي معاه جلسه حواار قولي له تعاال بنسير نجلس عدال البحررر فى الليل وقت العطله مب البحر هوااايته قولي له خبرني شو تسوون وانت مستانس من ها الشي انا بعد فرحاانه انك بحاار وهنااك ع جلسة البحر تفاهمي ويااه فضفضي لفخاطررج قولي له فى اشياء فخاطري ودي اقولها لك ليش ماتقول لي كلمه حلوووه اذا هو مايقوول انتى قووولي انتى كتبتي انج ابد ماتقولين ولا كلمه غير حبيبي!!!!!! غلط اختى الغلطه منج الريال مايقول الا اذا الحرمه قالت انتى ابدي وقوولي اي كلاام وخلى علاقتج مع عمتج علااقه حلوووه لاني لاحظت تغارين منهاا هاي امه اذا حبيتي امه بيحبج خاصه انتى ماعندج ام حسسيها انهاا امج ومالج غنى عنهاا اكييد بتشكرج وبتكبرين فى عيين ريلج وفوق هذا بتحصلين اجررر

اكبرر غلطه فى الدنيا انج تقارنين الريااال بحد غيييره احذي ثم احذري بيقوول سيري لريل اختج...

هيه .. جربتها .. وما نفع معي ..

بالنسبة لنفسيته .. يمكن صح ما فهمتها .. بس انا جربت معاه اسلوب الحوار .. ما نفع .. وقالها لي مرة .. هو ما يحب يقعد ويناقش في مواضيع مب مهمة بالنسبة له .. مثلا اذا بغيت اقوله اللي في خاطري .. ما يسمع مني .. لانه مب مهتم في هذي الشغلات .. مثلا القعدة وياي .. تعبت من كثر ما اقوله.. وبكذا اسلوب جبتها له ماشي فايدة .. وترا ريلي انسان غير رومنسي ابداً ..

تدرين مرة قلت وديني البحر .. قالي لا .. قلت له ليش .. قال بس لا وخلاص ولا تقولي ليش .. ما يبي يناقش خير شر ..

وصدقج الغلط مني اني ما اقول بس صدقيني احسها من ابي اقول مثلا يا عمري والله احسها توقف في بلوعمي ما تبي تطلع .. واخاف يحرجني بردة فعله اذا قلت .. بس بعد بحاول ..

وبالسبة لعمتي صدقيني اني احبها شرات الوالدة لان ماشي منها طوبة وحبوبة .. وهي دايماً في صفي .. يعني اذا يوم شكيت منه عندها ابدا ما تقول اني غلطانه كل هو الغلطان .. وبدونها ما ادري كنت كيف بمشي اموري وياه ..

وأشكر تواجد اختي .. ونصايحج .. فعلا فرحتوني .. ورفعتو من معنوياتي ..

لاني كنت ضايق خلقي وكارهه عيشتي ..

الله ويوفقج .. ويوفق كل بنات المنتدى .. والله يرزقفكم كل وحدة اللي في بالها .. والله يشفيج أختي من اللي انتي فيه ..

( * فنونه* ) • 19 سنة

الله ماأقدر اقولك الا الله يسخره لك ويهديه ويجملك بعينه
انتي اصبري وحاولي وكثري من الدعاء ان الله يهديه ويبعد عنكم هالدش الي
هو اهم اسباب البلاوي عند الرجال
عامليه بأدب وحسن اخلاق وتغاضي لين يندم ويستحي على وجهه
ولا يلقى عليك شي
واهم شي ادعي وادعي والله مايضيع أحد وكل يبي ياخذ حقه ..

الله يوفقك ويهدي لك زوجك وتعيشي معه اسعد حياتك .