احس خطيبي شخص سام !!

مرحبا بنات كيف حالكم
بنان بدخل بالموضوع على طول لان نفسيتي جد جد تلفت أنا مب فاهمةوش فيه هالشخص يتعامل معي بهالطريقه أنا بتكلم عن شخص هو خطيب لكن هالشخص قريب مني مره مره حنا نظامنا بفتره الخطوبه نكلم بعض بعلم الأهل لكن هالشخص اتعب وانا اقولكم ماذكر مر اسبوع إلا بكيت منه شخص متحكم  بنفسيتي لدرجه ماحد يتصورهايعني ممكن بكلمتين يقلب كل مودي يقلب مزاجي بكلمه وانقلب من اي شي منه سواء شي يفرح او يحزن لكن الأغلب يحزن من حركاته بعلمكم بعض تصرفاته مثلا 
طلعت كوفي مطعم اي مكان يقول ليش ماقلتي لي ؟
قبل أنا لي كم شهر معه
كنت إذا صورت كوفي مطعم بالسناب يجي للمكان
أحصله قدامي يعني بكل مكان أصوره أشوف الشخص قدامي عودني عليه بشكل كبير وحببني فيه ان اي مكان اروح له يترك كل شي ويجيني 
وبعد فتره صار يسحب علي بكل شي
ع الأماكن ع المكالمات حتى رسايلي
تجلس ١٠ ساعات مايفتح
تعبت نفسيتي مره لكن لما عرف أني طالعه يقعد يدور هواش
وزعل
انه ليش ماقلتي ولما اقول يسحب علي مايجي !!
ويقول والله نمت او مالي خلق !!
يعني جت فتره اقوله بطلع مع اختي او صديقتي مطعم كوفي لكن يصرف 
يعني حسيت يتهرب مني
شخص سام فجاه يقلب الموضوع علي
زي انتي ماتبيني تطلعين من وراي
لان صرت بأخر شي ماقوله اني ترا بطلع
صار يقلب الموضوع علي
انتي ماتبيني ماتبين تشوفيني بنفس المكان
قولي انك ماتبين تشوفيني ماله داعي الحركات ذي
كذا يقول لي 
آخر شي امس صار موقف جالس يوريني
صورتين يقول ايهم احسن ؟
لما اخترت له صوره
راح حط عكس اللي اخترتها !!!!!!!!!
أنا انصدمت واسكت ماعلقت نهائي
لان مره انجرحت ليش يسألني إذا بيحط عكس
اخترت !!!!!!!
شي ثاني معه احيانا يتافف وينفس على اسئله بسيطه ولما ازعل عليه
يقول يجي يقول أنا نفسيتي زفت
أنا فيني وفيني
غير كذا هو يطلع ويروح ويجي ولا يقول لي
وهو ينجن لو اطلع مكان بدون ماقوله !!!!!
يبي اي خطوه اعلمه
تعبببيبت مره بعلاقتي معه
بنات مزاجي ينقلب بلحظه بسببه
مستحيل يمر اسبوع بدون نكد مستحيل
وهو شخص مزاجي درجه أولى احيانا يخليني
اسعذ وحده واحيانا اتعس وحده
احيانا احس يموت فيني واحيانا احس مب طايقني
هو مدخن ومدخن بشراهه يعني وشي بسيط
لدرحه اول مايصحى يدخن 
وأيام رمضان كان ينجن لما يأذن يبداء بالدخان 
هل الدخان له دخل بالنفسيه والعصبيه ؟