احس زوجي بينفر مني ساعدوني

بنات بكتب الموضوع على طول
من عادات اهل زوجي نسوي جمعة كل الاخوان وحريم الاخوان يجتمعون كل ليلتين بالاسبوع

وانا من عائلة في حالها مالها تداخل مع الناس كثير يعني

تقريبا العايلة كلها انطوائية مالها بالجمعات والعزايم وكذا وكثير خوافه وماعرف اتكلم ولاارد خجوووله مره وخصوصا على اخوان زوجي اما حريم اخوان زوجي طلقات ويتكلمون مع زوجي ويناقشون وزوجي يقول ليش ماتصيرين مثلهم

اقدر اقولكم انه مشكلتي بدت

من المرحلة الثانوية كنت اتعرض لمضايقات كثيرة وبما انها شخصيتي ضعيفة

ماكنت اقدر ارد ولا ادافع عن نفسي وهالشي خلاني اميل للعزلة اكثر

حتى صديقات ماعندي الا يمكن وحده او اثنين وكل من يعرفني ينفر مني

والسبب شخصيتي السلبيه وانا من النوع اللى ماعرف اسولف ااذا جلست مع

احد اكون مجرد مستمعة فقط ودايم ع طول يقولولي طيب تكلمي ناقشي خلينا

نسمع صوتك ؟ احس انو ماعندي شخصية تساعد وكلامي ملخبط

ومدري وش اسولف فيه وماعندي ثقافه او احيانا تصير عندي سالفه بس استحي

و اخاف من السخرية والنظرات الدونيه

الصمت ذبحني ياناس ! احسه طبع من جد منفر

وزوجي مو عاجبه دايم يقول تكلمي سولفي اي شئ
وش تنصحوني كيف اتغلب على الخجل