احس عدم زواجي هذا السبب

افضل عمل تقدمينه هي مساعده الغير راح يضاعفون المدح ويشفون كيف جمال اعمالك وينسون جمال اختك

اي عادي و عادي و عادي تتزوجين واحد مقارب لعمرج و موقاصره شي وانتي بال٣٣ وانا شخصيا اعرف ناس جذي تزوجوا.. بس انتي صفي نيتج واختج شكو مردها بتتزوج واحد من الرياييل مو ١٠
والجمال مو مقياس للحياة السعيدة ياما جميلات مرمرها زوجها و غيرها عاديه و متهنيه و مايشوف غيرها.. طبعا المقارنه تحز بالخاطر طبيعي لكن عززي قيمتج و ثقتج بنفسج وان شاء الله اييلج النصيب الحلو و قولي اللهم لا تجعل في قلبي غل للذين امنوا عشان ماتصير نفسج باختج والله يحفظكم

من كنت أدرس كان في بنيه قصيره جدا فوك متصورين يجي طولهه ١٤٠ و تلبس كعب وهي قصيره...اذكر مره قلت بقلبي (والله مسكينه منو راح يزوجهه )والله ثم والله اقل الاسبوع تزوجت شاب ولا جمال الاتراك عيونه ملونه و وسيم ما شاء الله المصيبه انو طويل جداااا ومن اخذت صوره الزفاف معه صعدت على طاوله صغيره حتى توصله...و بنت بنفس القسم شكلهه يعني مدري شقولج ابد ميساعد...تعتبر اقل وحده بنه جمله بالقسم هم نفس القصه انقهرت عليهه بداخلي قلت (مسكينه اكيد راح تواجه صعوبه يلا تزوج) والله اول وحده تزوجت بالقسم هي....اذا الله كاتبلج زواج اختج توكفه!بأي منطق عزيزتي...من كان الله معه فمن عليه...نصيحتي لك كثفي دعاء و تقرب لله برمضان وخاصه الاستغفار لان في ايه بالقران تقول ...قال تعالى: ﴿فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا* وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا﴾ ...قبل فتره بالمغرب جاء ببالي ادعو الله حتى يرزقني الزوج الصالح و رددت (سبحانك لا اله الا انت اني كنت من الظالمين)ثاني يوم من الصبح اجوي خطابه بس الرجال اكبر مني ب ١٢ سنه واني رفضته بس انصدمت من سرعة الاستجابة وان شاء الله برمضان اكثف دعاء

بالمناسبة اني اجمل من اختي الصغيره بمراحل ...كشكل و جسم هي نحيفه جدا ...امي كانت تقول لها منو يرضى يزوجك وانتي عوده شوفي اختك كيف تجنن ...اول ما تعينت يمكن اجوهه ٦ اشخاص ومن يشوفوني ينصدمون و يرتبكون عبالهم ما عدهه اخت وصرت ما اراوي نفسي الهم عشان تمشي قسمتهه وما عندي اي مانع تزوج قبلي حتى امي سألتني ما تضوجين قلت لها جدا عادي بالعكس تصير الغرفة لحالي واخلص منها 😂 لاني واثقه ان الزواج رزق والرزق بيد الله مو بيد اختي

في وحدة تفرح انه واحد رمى كلام عليها شنو ذي التفكير !

شوفي رزقك مكتوب وانتي في بطن امك ، ماله شغل اختك تمنع كل شي مقدر للانسان